Archive - Ака 2016 - Хыпар

Правительство çуртĕнче Чăваш Республикин Пуçлăхĕ Михаил Игнатьев пресс-конференци ирттерчĕ. Унта республикăри массăллă информаци хатĕрĕсенче вăй хуракан 60 ытла журналист хутшăнчĕ. Республика ертÿçи икĕ сехет те вунă минут хушшинче 25 ыйтăва хурав пачĕ.

Иккĕмĕш сменăсăр шкулсем

Шкулчченхи тата шкул вĕрентĕвĕн тытăмĕн аталанăвĕн çĕнĕ тапхăрĕ — республикăри тĕп виçĕ массăллă информаци хатĕрĕн пĕрлехи проекчĕн черетлĕ теми. Фильм телеэкрансем çине тухнă ĕнтĕ, паян вулакана унăн хаçат версийĕпе паллаштаратпăр.

Вĕрентекенсене пултарулăха аталантарас ĕç-хĕле ытларах явăçтарма республикăра хавхалантарăвăн тĕрлĕ мелне йĕркеленĕ: конкурссем, грантсем, стипендисем...

Кайран хула администрацийĕн пуçлăхĕн должноçне йышăнмалли конкурса хутшăнтарас тĕллевпе Çĕнĕ Шупашкар хулин сити-менеджерĕ Олег Бирюков отставкăна каясси пирки Чăваш Ен Пуçлăхĕпе килĕшсе татăлнă тени тĕрĕс мар. Çакăн çинчен ЧР Пуçлăхĕ Михаил Игнатьев республика Правительствин членĕсемпе, федерацин ĕç тăвакан влаç органĕсен вырăнти тытăмĕсен тата хула округĕсен ертÿçисемпе ирттернĕ канашлура пĕлтернĕ. «Олег Бирюков пĕр хаçата панă интервьюра хăй отставкăна каясси пирки Чăваш Республикин Пуçлăхĕпе килĕшсе татăлни çинчен калать. Ку — аташу», — тенĕ вăл.

— Республикăри нумай-нумай çыннăнни пекех кашни çĕнĕ кун маншăн мĕн хама ас тума пуçланăранпах сирĕн ăшă та çепĕç сассăра итленинчен пуçланать.

7, 70 те 7... Çак хисеп чăваш çыннишĕн асамлă та питĕ пĕлтерĕшлĕ. Палăртма кăмăллă: халăх юратса итлекен Наци радиовĕ асамлă çак хисеп чикки урлă каçрĕ. Чăваш Наци радиовне йĕркелес ĕмĕт тахçанах пулнă.

Çĕрпÿ районĕнчи каяш тирпейлекен ветеринари-санитари завочĕ хăйĕн тивĕçне 40 çула яхăн чыслăн пурнăçлать. Тавралăх биокаяш енчен таса, экологи сывă пултăр тесе тăрăшать. Предприяти производствăна реконструкциленме хупăнмасăр кал-кал ĕçлет. Çĕнĕ оборудование вырнаçтарма хăшпĕр цеха самантлăха чарнине шута илмесен паллах.

"Вут-çулăмра эпĕ хамăн тĕллеве — вут-çулăм çулне пÿлессине — тупрăм" — шăпах çак ятпа Чăваш наци музейĕн музей-курав центрĕнче курав уçăлчĕ. Ăна Раççей пушар хуралĕн çулталăкне тата республикăри пушарнăйсен хăюлăхĕпе паттăрлăхне халалланă.

Ака уйăхĕн 30-мĕшĕ — Пушар хуралĕн кунĕ, ăна халалласа республикăри район-хулара тĕрлĕ мероприяти ирттереççĕ, çав шутрах — "Асăрханăр, вут-çулăм!" тематика кунне те.

Раççей МЧСĕн Чăваш Республикинчи тĕп управленийĕн пуçлăхĕ Станислав Антонов генерал-майор Пушар хуралĕн кунĕ умĕн ирттернĕ пресс-конференцире çакнашкал статистикăпа паллаштарчĕ: пушарсенчен нумайăшĕ канмалли кунсенче тухать /кăçалхи шăматкунсенче — 48/, çынсем вут-çулăмра ытларах чухне вырсарникунпа тунтикун вилеççĕ /8-шар çын/. «Хĕрлĕ автан» нумай чухне çĕрле — çур çĕртен пуçласа ирхи 2 сехетре /37 пушар/ — «ташлать». Этем тĕтĕм-сĕрĕмпе чыхăнса вилни тĕпрен илсен каçхине — 20-22 сехетсенче /7 çын/ пулать.