Чăваш çĕрĕнче ĕлĕк-авал кедр вăрманĕсем кашланă теççĕ. Красноармейски салинче пурăнакан Мефодьевсем тăрăшнипе çак йывăç малашне пирĕн республикăн кашни кĕтесĕнче ешерме пуçлĕ. Паян Шупашкар округĕнчи Çырмапуç ялĕ çывăхĕнче çут çанталăк тусĕсем пĕр гектар лаптăкра кедр лартрĕç.
Чăваш патшалăx оперăпа балет театрĕнче аграрисем пухăнчĕç, Ял хуçaлăx тата тирпейлекен промышленноç ĕçченĕн кунне уявларĕç.
ЧР Правительствин вице-премьерĕ Сергей Артамонов вĕceне уяв ячĕпе саламларĕ, малашне çĕнĕ çитĕнÿсем тума сывлăx, ăнăçy cунчĕ, уй-xир ĕçĕceне пĕтĕмлетрĕ. Кăçaл тырă 970 пин ытла тонна, 2022 çyлхинчен кăшт сахалрах, пухса кĕртнĕ. Çĕр улми, пахча çимĕç, xăмла, ытти xăш-пĕр культурa иртнĕ çyлхинчен нумайрах пуçтарса илнĕ, сĕт нумайрах туса илнĕ. Вице-премьер ытти ÿcĕме те палăртрĕ.
Ял хуçалăх ĕçченĕн кунне уявласси паян ирхине Правительство çуртĕнче пуçланчĕ. ЧР Пуçлăхĕ Олег Николаев тата вице-премьер — ял хуçалăх министрĕ Сергей Артамонов АПК представителĕсен пысăк ушкăнне патшалăх наградисемпе чысларӗҫ.
Паян, чӳк уйăхĕн 2-мĕшĕнче, Ял хуçалăх тата тирпейлекен промышленноç ĕçченĕн кунне республикăра уявличчен пĕр кун маларах, Хĕрлĕ Чутай тата Шупашкар округĕсенче савăнăçлă пуху ирттерсе мăйракаллă шултра выльăх валли инвестици проекчĕн çĕнĕ объекчĕсене уçрĕç.
Чăваш Енри икĕ проект «Агротуризм» федераци грантне тивĕçнĕ.
Пурĕ конкурсра 92-ĕн çĕнтернĕ. Вĕсен проекчĕсене пурнăçа кĕртмешкĕн 700 миллион тенкĕ уйăрма палăртнă. Чăваш Енри «Ивушка» питомнике «Çырла сукмакĕ» проектпа ĕçлемешкĕн çĕршыв бюджетĕнчен 10 миллион тенкĕ парĕç. Красноармейски округĕнчи Валерий Шумилов фермер 8 миллион тенкĕ илĕ. Вăл XIX ĕмĕрти чăваш хресченĕн килĕпе усă курса кану бази йĕркелемешкĕн тĕллев тытнă.
Чăвашла верси
Русская версия
