Вĕрентÿ

24 Авăн, 2020

Шупашкарти ача сачĕ çĕнтернĕ

«Раççейри чи лайăх 100 тавар» 2020 çулхи конкурсăн регионти тапхăрĕнче Шупашкарти 7-мĕш ача сачĕ çĕнтернĕ. Унта инклюзив вĕрентĕвне пурнăçа кĕртеççĕ.

Республикăн тĕп хулин администрацийĕн вĕренÿ управленийĕнче палăртнă тăрăх, хальхи вăхăтри вĕрентÿ учрежденийĕн аталанăвĕ педагогика коллективĕн квалификацийĕпе унăн професси шайĕнчен нумай килет. Шупашкарти ача сачĕсем çĕршыв шайĕсенчи тĕрлĕ конкурса хутшăнаççĕ, федераци укçи-тенкине тивĕçеççĕ.

www.hypar.ru

18 Авăн, 2020

Гуманитари институчĕ — 90 çулта

Паян Чăваш патшалăх гуманитари ăслăлăхĕсен институчĕн акт залĕнче Ăслăлăх канашĕн анлă ларăвĕ иртрĕ. Ăна заведени 90 çул тултарнине халалларĕç.

Ентеш ăсчахсене çавра кунпа саламлама кÿршĕ регионсенчен те — Тутарстанран, Мордва Республикинчен, Мари Элтан, Чĕмпĕр тăрăхĕнчен — делегатсем килсе çитрĕç.

17 Авăн, 2020

Культура эткерлĕхне шута илнĕ

Росреестрăн Чăваш Енри управленийĕ 19-мĕш ĕмĕрте тунă шкула патшалăх кадастр учетне илнĕ.

Тăвай районĕнчи Элпуç ялĕнчи шкула 1886 çулта савăнăçлă лару-тăрура уçма тăван халăхăмăра çутта кăларнă Иван Яковлев хутшăннă. Турă саккунне, çырулăха, вулама тата арифметикăна вĕрентнĕ пĕлÿ çурчĕ çулсем иртнĕçемĕн япăхма тытăннă. Харпăрлăх хуçи кам пулнине кăтартакан хутсем çухалнă. Çав вăхăтрах 1974 çулта çурта республика шайĕнчи историпе культура палăкĕ тесе йышăнни паллă. Апла пулсан ăна патшалăх упрама тивĕç.

1 Авăн, 2020

Çĕнĕ вĕренÿ çулĕнче - çĕнĕ шкул

Куславкка районĕнчи Куснар ялĕнче паян уяв - çĕнĕ шкул уçăлчĕ. Парта хушшине 100 ытла ача ларчĕ. Шкул ачисемпе учительсене Пĕлÿ кунĕ ячĕпе ЧР Пуçлăхĕн тивĕçĕсене вăхăтлăх пурнăçлакан Олег Николаев саламларĕ.

Шкул çумĕнче ача сачĕ пур. Унта хальлĕхе 23 ача çÿрет. Людмила Матанова воспитатель каланă тăрăх, садикре услови аван, методика кăтартăвĕсем çителĕклех.

Куснар шкулĕпе паллашнă хыççăн Олег Алексеевич республикăри вĕренÿ заведенийĕсемпе видеоçыхăну мелĕпе калаçрĕ.

Pages