Archive - Ноября 2016 - Хыпар

ноябрь 30th

30 Ноября, 2016

«Самант» журналăн кăçалхи 11-мĕш номерĕ!

Астăвăм парачĕ. Шупашкарти кадетсен 14-мĕш шкулĕнче кану мĕнне пĕлмеççĕ.

«Хастарлă, хыт утăмлă пулăр», - çапла пилленĕ Çеçпĕл Мишши çамрăк ăрăва.

30 Ноября, 2016

БАЛЬЗАМ ХАТĔРЛЕТПĔР

1. Хырăмлăх сĕткенĕн йÿçек­лĕхĕ пысăк чухнехи язвăран. Вĕтетнĕ типĕ 1-ер апат кашăкĕ чапăр курăкне /чабрец/, исланди мăкне /цетрария/, тăрăхла шăнăр курăкне /подорожник ланцетолистный/, тÿрĕ шатра кĕпçин /калган, лапчатка/ тымарĕн порошокне, çур чей кашăкĕ гвоздика техĕмлĕхе, ырă шăршăллă пăрăçăн 3 пăрçине, 1 апат кашăкĕ пыла хутăштармалла. Çур литр шурă эрехе ямалла. Сулхăн тĕттĕм вырăнта 20 кун лартмалла. Кашни кун силлесе илмелле. 20 кунран сăрăхтармалла. Апат умĕн 1-ер апат кашăкĕ ĕçмелле. Курс — язвăна ÿт иличчен, диетăпа пĕрле — 1-2 эрне.

30 Ноября, 2016

ЧĔРЕНЕ МĔНЛЕ АПАТ КИЛĔШЕТ?

1. Олива çăвĕ. Апата кашни кун 1 апат кашăкĕ олива çăвĕ хушни артери юн пусăмне чакарма пулăшать — çакăн пек пĕтĕмлетÿ тунă итали ăсчахĕсем. Олива çăвне кăмăллакансен юн пусăмĕ чылай анать, хĕвелçаврăнăш çăвĕпе усă куракансен вара нимĕнле улшăну та пулмасть.

30 Ноября, 2016

ÇАК ЯПАЛАСЕМ ПУЛМАЛЛА МАР

Пирĕн кил — пирĕн хÿтлĕх. Анчах йĕри-таврари хăнăхнă япаласем пирки уйрăммăн асăрхаттарса калани ытлашши пулмĕ, мĕншĕн тесен кашниех усă кÿмест.

Япала. Меллĕ тапочкине, сăтăрăнса-шăтса пĕтнĕ пулсан та, пилĕк çул ĕнтĕ юратса тăхăнса çÿретĕр-и? Хăвăртрах кăларса пăрахăр. Çаплах кивĕ çи-пуçа та. Кивелнĕ япаласем кил-çурта сиенлĕ энергипе тултараççĕ. Çак япаласем пурăнма чăрмантараççĕ, пăлханулăха вăйлатаççĕ.

30 Ноября, 2016

ĂНСĂРТРАН НИМĔН ТЕ...

Ирхине сăн-пите лайăх сăнаса пăхăр. Мĕнле те пулин улшăну пурри сывлăх тĕлĕшпе пĕр-пĕр кăлтăк пуррине асăрхаттарма пултарать.

Тута çуркаланнă. Тута çуркаланнипе пĕрлех кĕтесĕсенчи мышцăсем вăйсăрланнине, тимлĕх чакнине туйсан, çÿç хытă тăкăнсан организма В2 витамин çитмест. Пăсăлнă шайлашăва тавăрма сĕт çимĕçĕсем, çăмарта, арахис, персик, соя, груша, томат, тĕслĕ купăста пулăшаççĕ.

Чĕлхе çинче шурă сий. Нумай вăхăт выçă тытса сипленекенсен е шăнса чирленĕ çынсен пулать. Анчах шурă сийпе пĕрлех чĕлхе хĕррисем хĕрелнĕ пулсан гастрит пулма пултарать.

30 Ноября, 2016

«Хыпар» 189 (27099) №, 30.11.2016

30 Ноября, 2016

Наци телекăларăмĕсене тулашра та курĕç

ЧР Министрсен Кабинечĕн чÿк уйăхĕн 28-мĕшĕнчи ЧР Пуçлăхĕ Михаил Игнатьев ертсе пынă ларăвĕнче «Чăваш Республикин «Чăваш Республикин 2016 çулхи бюджечĕ çинчен» саккунне улшăнусем кĕртесси çинчен» саккун проектне ырларĕç. Унпа килĕшÿллĕн республикăн кăçалхи бюджечĕ тупăш енĕпе 282,2 миллион тенкĕлĕх пуянланнă.

 Михаил Игнатьев палăртнă тăрăх, чи пысăк сумма — 275,9 миллион тенкĕ — бюджета балланспа тивĕçтермелли мерăсем валли палăртнă дотацисем, урăхла каласан тавăрса памалла мар субсидисем.

30 Ноября, 2016

Çамрăк ăру сывă çитĕнтĕр

Чăваш Ен Пуçлăхĕ Михаил Игнатьев Чăваш Республикинчи наркотиксемпе кĕрешекен комиссин черетлĕ ларăвне ирттерчĕ. Канашлура çулталăк кăтартăвĕсене пĕтĕмлетрĕç, çитес тапхăр тĕллевĕсене палăртрĕç.

30 Ноября, 2016

Тухса çÿресен куç уçăлать

Комсомольскинчи çыхăну уйрăмĕнче Маргарита Индюкова 23 çул ĕçлет. Кассир, оператор, кадрсен пайĕн специалисчĕ, почтамт пуçлăхĕн çумĕ... — тĕрлĕ должноçра вăй хума тÿр килнĕ çак хушăра. Апла пулин те пĕр ĕçе те тиркемен. Ĕç каçалăкне вырăнти заводра пуçланăскер шăпа хăйне почтăна илсе çитернĕшĕн хĕпĕртет те. Çыхăну техникумĕнче пĕлÿ илни сая кайманнипе мар, ĕçĕ килĕшнипе. Професси чуна çывăх пулсан вара ăнăçу кĕттерместех. Акă 2015 çулта Маргарита Анатольевна хăй ĕçлекен ведомствăн пысăк наградине — Раççейри «Çыхăну ăсти» хисеплĕ ята — тивĕçнĕ.

Pages