Archive - Чÿк 2016 - Хыпар

Чăваш Ен музыка искусствине ентешĕмĕр, СССР халăх артисчĕ М.Д.Михайлов ячĕллĕ Пĕтĕм тĕнчери опера фестивалĕ чăннипех илем кĕртет. Кăçалхипе 26-мĕш хут иртекен черетлĕ фестиваль мĕнпе асра юлĕ?

Чăваш Ен Пуçлăхĕ эрнесерен ирттерекен черетлĕ канашлура хускатнă ыйтусем чăннипех çивĕч те пĕлтерĕшлĕ пулчĕç.

Чÿк уйăхĕн 26-мĕшĕнче ЧР Пуçлăхĕ Михаил Игнатьев мăшăрĕпе Лариса Юрьевнăпа регионсен хушшинчи «Хĕрарăм сывлăхĕ: çие юлнинчен пуçласа ватлăх таран» наука-практика конференцине хутшăннă. Конференци Чăваш патшалăх академи драма театрĕнче иртнĕ, ăна Лейла Адамянăн ыркăмăллăх фончĕн «Уçă университет» проекчĕпе килĕшÿллĕн Чăваш Енри хĕрарăмсен союзĕ пулăшнипе йĕркеленĕ.

Чарăнма пĕлми шăнкăртатакан телефон кĕпçине илмессерен кашни хутĕнчех çапларах хуравлать Раççей Президенчĕн Чăваш Республикинчи йышăну пÿлĕмĕн ĕçченĕ. Шăнкăравлакан вара сахал мар.

«Хĕрÿ лини» телефонĕпе чи малтан Шупашкарта пурăнакан Сергей Г. çыхăнчĕ. Чĕрепе чирлĕскере инвалидлăх ушкăнне çирĕплетмешкĕн медицинăпа социаллă экспертиза тĕрĕслевĕнче çулсерен пулма тивни канăçсăрлантарать.

РФ Патшалăх Думин ертÿлĕхĕ регионсенчи ĕç-хĕле пысăка хурать. Çавна май кашни уйăхра депутатсен пĕрер эрне хăйсен тăрăхĕнче ĕçлемелле. Çак тапхăрта парламентарисем республикăри районсенчи ĕç коллективĕсемпе тĕл пулаççĕ, тĕрлĕ мероприятие хутшăнаççĕ. Çынсемпе куçа-куçăн тĕл пулса вĕсен ыйтăвĕсене йышăнасси — регион эрнинчи тĕп ĕç-хĕл. РФ Патшалăх Думин депутачĕ Леонид Черкесов хальхинче граждансемпе «Единая Россия» парти Председателĕн Д.Медведевăн Чăваш Енри общество йышăну пÿлĕмĕнче тĕл пулчĕ.

Сисмерĕмĕр те — ăшă кунсем хĕллехи сивĕ каçсемпе ылмашăнчĕç. «Кăçал йĕлтĕрпе тăраниччен ярăнса курăпăр ĕнтĕ», — хавхаланчĕ ялти пĕлĕшĕм. Чăн та, кăçал хĕл ир ларчĕ, юпа уйăхĕн вĕçĕнчех шурă юр хура çĕре çемçе кавирпе витрĕ. Çапла, спортпа тусли юр çунă-çуман йĕлтĕр йĕрĕ хывма васкать. Сывă пурнăç йĕркине пăхăнакан пĕлĕшĕм те хĕлĕн пирвайхи кунĕсенчех йĕлтĕр сырса уя тухать. «Хирте сывлăш тасарах. Кÿршĕ ял чикки патне çитсе килсен ÿт-пĕвĕм çăмăлланать, пусăрăнчăк кăмăл-туйăм çĕкленет», — тет вăл. Чăннипе калас тăк, ялта йĕлтĕрпе ярăнма юратакан урăх çынна та пĕлместĕп.

Прокуратурăн Пĕрремĕш уçă форумне инвалидсен нушисене халалларĕç

Пирĕн ыйтусене Чăваш Республикин улттăмĕш суйлаври Патшалăх Канашĕн Председателĕ Валерий ФИЛИМОНОВ хуравлать

Республика Правительстви «Çеçпĕл» кинотеатр пулнă çурта Çеçпĕл Мишши ячĕллĕ Чăваш патшалăх çамрăксен театрне парасси çинчен йышăну кăларнă. Театр хальхи вăхăтра Трактор тăвакансен культура керменĕнче вырнаçнă. Кунта киличчен Вырăс патшалăх драма театрĕн çуртĕнче хÿтлĕх тупнăччĕ, ун умĕн — тĕп хулари ачасемпе çамрăксен пултарулăх керменĕнче. Çапла майпа 83 çул тăван кил-çуртсăр пурăннă.

Çĕнĕ хыпара театрта мĕнле шухăш-кăмăлпа кĕтсе илнĕ-ха?

Елена НИКОЛАЕВА, театр директорĕ: