Archive - 2016 - Хыпар

декабрь 30th

30 Раштав, 2016

"Вести Чувашии", (№ 52 (1520)) от 30 декабря 2016 года

Указ Главы Чувашской Республики от 24 декабря 2016 года № 198 «О признании утратившим силу Указа Президента Чувашской Республики от 3 октября 2005 г. № 99».

Указ Главы Чувашской Республики от 24 декабря 2016 года № 199 «О награждении государственными наградами Чувашской Республики».

 

30 Раштав, 2016

«Чăваш хĕрарăмĕ» 51/973/ №. 30.12.2016

30 Раштав, 2016

Автана шухă пулни те килĕшет

Элĕк районĕнчи Чăваш Сурăмри Галина Ефимова тивĕçлĕ канăва тухичченех "Çĕнĕ çул" хуçалăхра бухгалтерта ĕçленĕ. Курăр-ха, ячĕ те çывхарса килекен уявпа çыхăннă. Халĕ мăшăрĕпе иккĕшĕ килте выльăх усраççĕ, вăй çитнĕ таран ачисене, мăнукĕсене пулăшаççĕ. Унсăр пуçне Галина Вячеславовна пахчари йĕлтĕр йĕрĕшĕн яваплă. Элĕкре пурăнакан мăнукĕсем спортпа туслаштарнă ăна. "Йĕлтĕр йĕрĕ çухалман-и?" — хăнана килсен пÿрте кĕричченех тĕрĕслеççĕ арçын ачасем. Куç пек кĕтнĕ хăнасем киличчен асламăшĕ ярăнса килме ĕлкĕрнĕ ĕнтĕ. Çемйипех "Раççей йĕлтĕр йĕрĕ" спорт ăмăртăвне хутшăнаççĕ вĕсем. Шкул ачисем Алешăпа Дима конькипе ярăнма та вăхăт тупаççĕ.

30 Раштав, 2016

Маргарита ИЛЬИНА: “Ырри малашлăха çул кăтарттăр”

Сехет йĕппи васкамасăр çаврăнсах вăхăта малалла хăвалать. Ача чухне кашни Çĕнĕ çула чăтăмсăррăн кĕтеттĕмĕр. Уяв чунра савăк туйăм çуратать-çке. Эпир гороскопсене пит пĕлсех ÿсмен — темĕн килет унта, темĕн каять? Халĕ акă çирĕп пĕлсе тăратпăр: Упăтепе сывпуллашăпăр та кăçал Автана кĕтсе илĕпĕр. Теме вĕрентекен те пур халĕ: мĕн тăхăнса кĕтсе илмелле ăна, сĕтел çине мĕн янтăламалла, пÿрт-çурта епле капăрлатмалла? Чи кирли — Автан кăна ан кÿрентĕр...

30 Раштав, 2016

Пĕрлех пуласчĕ

Редакцие куллен çыру килет. "Чăваш хĕрарăмне" юратса вуланине пĕлтеретĕр эсир, вырăнти лару-тăрупа паллаштаратăр, сĕнÿ-канаш паратăр, хăвăра хумхантаракан ыйтусен хуравне тупма, вĕсене пĕрле сÿтсе явма ыйтатăр. Туслă çыхăну малашне те ан татăлтăрччĕ.

30 Раштав, 2016

Упăте çулне ырăпа ăсатар

СЫВЛĂХ

Чăваш Республикинче пĕчĕк ача сахал вилни, çак кăтарту Европа, АПШ, Япони шайĕпе танлашни çинчен РФ сывлăх сыхлав министрĕ Вероника Скворцова Пĕтĕм Раççейри канашлура каланă.

Республикăри сывлав органĕсен чирĕсемпе кĕрешмелли çулталăкра суту-илÿ центрĕсенче, халăх йышлă çÿрекен вырăнсенче “Сывлав патрулĕсем” дежурствăра тăнă. Вĕсем юн пусăмне кăна мар, ÿпке калăпăшне, вăл мĕнле ĕçленине тĕрĕсленĕ.

30 Раштав, 2016

Марина ТУМАЛАНОВА: "Çула тухрăм та..."

Каллех çулталăка пĕтĕмлетмелли, каялла çаврăнса пăхмалли вăхăт çитрĕ. Акă Етĕрне районĕнчи Анат Мучар вăйлă хĕрарăмĕсем куç умне тухрĕç. Çĕвĕ цехĕнче ĕçлекенскерсемшĕн юр хÿсе лартнă çулпа каяйман автомашинăна тĕксе кăларасси ним те мар.

30 Раштав, 2016

Эреш хăтлăлатать

Кăçал Çĕрпÿ районĕнчи Чурачăкри Афанасьевсем çурт таврашне хăтлăлатассипе, илем кÿрессипе районта пĕрремĕш вырăн йышăннă. Çапах мĕнпе уйрăлса тăрать-ши вĕсен килĕ? Çакна уçăмлатмашкăн шала кĕрсе курас килчĕ.

30 Раштав, 2016

Татьяна НАУМОВА: "Таса чунпа, çутă ĕмĕтпе..."

"Ту качакисем — тĕрлĕ енлĕ аталаннă çынсем. Май пур чухне чунран савăнса-кулса канма та, хăйсене алла илсе пĕлтерĕшлĕ ĕçсене хăвăрт та тĕплĕ тума та пĕлеççĕ. Упăте сирĕнтен иккĕмĕшне кĕтет-тĕр, çавăнпах кăткăс ыйтусем "парнелĕ". Ан кулянăр — сире вăйлăрах, хастартарах, телейлĕрех тăвакан опыт çеç пухăр", — систернĕччĕ пĕлтĕрхи гороскоп.

30 Раштав, 2016

Шалусăр та пурăнма пулать. Майне пĕлсен...

Паянхи кун пурнăç йывăррипе сăлтавласа нăйкăшакан ытла та нумайланса кайрĕ. Укçа çук имĕш, хаксем вара вышкайсăр ÿссе пыраççĕ... Паян пуçлăхсем кăна лайăх пурăнни никамшăн та вăрттăнлăх мар ĕнтĕ. Анчах та пуçлăх пуканне йышăнмашкăн, мĕнле калас, сăмса ÿссе çитмен тĕк — мĕн тăвăн? Унсăр пуçне, пуçлăх пуканĕ шутлă иккенне хăшне-пĕрне кала-кала халтан кайрăм ĕнтĕ. “Ку Хĕрестин Çĕнĕ çул умĕн ăçтан сиксе тухрĕ тата?” — текен те пур-тăр вулакан хушшинче. Ара, уява пăсăк кăмăлпа кĕтсе ан илĕр тетĕп-çке, епле те пулин хавхалантарас-хăпартлантарас килет.

Pages