Çĕрпÿ районĕнчи 4 хуçалăх çурхи культурăсене çу уйăхĕн 5-мĕшĕ тĕлне акса пĕтернĕ, виççĕшĕ плана тултарнă. Çав вăхăтрах «Руно» ООО - 20 /10,1%/, «Память Ульянова» ЯХПК - 151 /16,3%/, Валентина Егорова хресчен-фермер хуçалăхĕ 20 гектар /14,8%/ çеç тырă акнă.
Следстви комитечĕн Етĕрнери пайĕ вырăнти больницăра икĕ çулти хĕр ача вилнĕ тĕслĕхпе уголовлă ĕç пуçарнă. Асăрханусăрлăх ача пурнăçне татнă.
Шкулта вĕреннĕ çулсенче хамăра "çĕнĕ пурнăç калчисем" тесе каланине тăтăшах илтме тÿр килетчĕ. Этеме ÿсен-тăранпа танлаштарни ăнăçлах та мар-и тен, çапах ку сăмах çаврăнăшĕ чĕрене темĕнле ырă варкăшпа витеретчĕ. Пурнăç малашне тата илемлĕрех, тĕнче çутăрах, çынсем ырăрах пулассăн туйăнатчĕ-ши? Çитĕнтĕмĕр. Самани ача чухнехинчен чăнах та урăхларах. Шел, "калчисем" те... Хамăра ăс-тăн панă аслă ăру шанăçне тÿрре кăларайрăмăр-и? Сочиненисенче шăрçаланă шухăшсен ытларах пайне пурнăçа кĕртеймерĕмĕр вĕт.
Аслă Çĕнтерĕвĕн 69 çулхи кунĕ тĕлне пирĕн республикăра вун-вун мероприяти иртет. Вĕренÿ учрежденийĕсем те вĕсене хастар хутшăнаççĕ. ЧР Вĕренÿ тата çамрăксен политикин министерстви çамрăк авторсен патриот темипе çырнă сăввисен «Çĕр çинчи тăнăç пурнăçшăн» конкурсне пиллĕкмĕш хут йĕркеленĕ.
Чăваш патшалăх культурăпа искусство институчĕн Культура çулталăкĕнчи мероприятийĕсенчен пĕри унта вĕренекен студентсемшĕн çеç мар, театрсенче ĕçлекен актерсемшĕн те нумайлăха асра юлĕ. Сăмах çак кунсенче вырăс классика поэзийĕпе прозине вулаканĕпе, ÿнер сăмахĕн актерĕпе Рустем Галичпа ирттернĕ тĕл пулу пирки.
Ачасен пултарулăхĕн марафонĕ - Культура çулталăкĕнчи пĕлтерĕшлĕ проект. Вăл темиçе фестивальпе конкурса - ÿнер пултарулăхĕн «Черчен чечексем», юрлас ăсталăхăн «Уçă саслă ачалăх», хореографи коллективĕсен «Сывă-и, тĕнче!», чăваш тĕррин «Çĕр пин тĕрĕ çĕр-шывĕнче», чăваш фольклорĕн «Пĕчĕк çеç путене» - пĕрлештерет.
Культура çулталăкĕ вăй илсе пырать. Республикăн культурăпа кану учрежденийĕсенче, вĕренÿ заведенийĕсенче вун-вун мероприяти иртет. Çав шутра - ятарлă фестивальсем, конкурссем, премьерăсем, концертсем. Вĕсене ачасене, çамрăксене ытларах явăçтарма тăрăшнине ырламалла, çитĕнекен ăрура культура никĕсне «хывса» хăвармалла. Çапла тума тăрăшаççĕ те.
Н.Петрова Уçырма вăтам шкулĕн пĕрремĕш класне çÿреме пуçласанах вĕрентекен пулас ĕмĕтпе авăрланнă. Татьяна Моисеевна Кузнецова мĕнле калаçни, вулани, хăйне тыткалани пĕчĕк Наташăна çав тери килĕшнĕ, хăйĕн те ун пекех пултаруллă пулас, уроксене интереслĕ ирттерес килнĕ. Ÿсерехпе çутă ĕмĕт çирĕпленсе, вăй илсе пынă.
Чăвашла верси
Русская версия
