Шухăш

17 Çĕртме, 2020

Мĕншĕн Красавино ят памалла мар?

Республикăра хула нумай. Çĕннисене те никĕслеççĕ. Анчах мана Шупашкарпа Çĕнĕ Шупашкар хушшинче вырнаçнă хулана «Новый город» тени килĕшмест. Пĕр вăхăтра ун валли ят шыраса конкурс та ирттернĕччĕ пулас.

Çĕнĕ хула çулсерен лайăхланса, аталанса пырать. Унта садиксем, шкулсем уçаççĕ. Троллейбуссемпе автобуссем çÿреççĕ. Хитре хулана мĕншĕн Красавино ят памалла мар? Манăн шухăшпа, питĕ илемлĕ тата хăйне евĕрлĕ пулĕччĕ.

www.hypar.ru

6 Çу, 2020

Ыранхи пурнăçра ан иккĕленччĕр

Çĕршыв пуласлăхĕ — ачасенче. Çитĕнекен ăрăва сывлăхлă, ăслă-тăнлă, анлă тавракурăмлă пулма май парасси — патшалăхăн тĕп тивĕçĕсенчен пĕри. РФ Конституцийĕнчи 67-мĕш статйинчи 4-мĕш пунктри тӳрлетӳ çакăнпа çыхăннă. Раççей патшалăх политикишĕн чи пĕлтерĕшли ачасем пулнине палăртнă унта. Çамрăк ăрăва тĕрлĕ енлĕн аталанма май туса памалла, вĕсенче патриотизм туйăмне, общество умĕнчи яваплăха пуçармалла, аслă ӳсĕмри çынсене хисеплеме хăнăхтармалла. Статьяра ашшĕ-амăшĕн хӳтлĕхĕсĕр юлнă ачасене патшалăх хăйĕн хӳттине илесси пирки те каланă.

6 Авăн, 2018

Çĕнĕ вĕренÿ çулĕ умĕнхи сĕнÿсем

Кашни шкул ачишĕнех авăн уйăхĕ хумхануллă тапхăр: çĕнĕ класс, çĕнĕ вĕрентекенсем, çĕнĕ предметсем, çĕнĕ шухăш-ĕмĕт... Кашниех вĕренÿре лайăх ĕлкĕрсе пырасшăн, тĕрлĕ кружок-секцие çÿресе тавра курăмĕпе ăс-тăнне анлăлатасшăн, кĕлеткине çирĕплетесшĕн. Çак ĕмĕтсене пурнăçлассишĕн, хаклă вулаканăм, мĕн тумалла-ха, мĕне шута илмелле?

Pages