Шухăш
Тăван ялăм тухать куç умне
Çуллахи хĕвеллĕ кун. Ăшă варкăш çил пите ачашлать. Кайăксем хăйсен пурнăçĕпе киленсе чĕвĕлтетеççĕ, чĕпписене вĕçме вĕрентсе каллĕ- маллĕ ыткăнаççĕ. Хушăран пире те сĕртĕнессĕнех туйăнать. Çакăн пек çут çанталăк ырлăхĕ пурне те савăнăç парнелет, пурнăçра пĕр йывăр самант та пулассăн туйăнмасть.
Тĕрĕс те хитре çырасчĕ
Ачасене ăс парасси вĕсене вулама, çырма, шутлама вĕрентессинчен пуçланать. Тĕрĕс те илемлĕ çырассине авалтан хакланă.
Ĕлĕкрех, пичетлемелли машинăсем шухăшласа кăлариччен, тĕрĕс те хитре çыракансене хисепленĕ, яваплă ĕçсем тума шаннă. Графологи витĕмĕ пысăк пулнă: çын тĕрĕс те хитре çырать пулсан вăл ăслă, лайăх кăмăллă çын шутланнă. Халĕ графологие ĕненсех те каймастпăр — шел.
Ыррине вĕренмелли нумай
Пичет киоскĕсенче малашне хаçат сутма пăрахаççĕ тенине илтрĕм. Ку хыпар питĕ пăшăрхантарчĕ мана. Халăхăн 40-50 проценчĕ пĕр кăларăм та çырăнса илмест тесен те йăнăш мар. Ĕçе кайнă май эпĕ эрнере икĕ-виçĕ хут чарăнаканччĕ киоск умĕнче. Тин çеç «пиçсе тухнă» хаçат-журнала туянмасан чун канмасть манăн. Пирĕн, чăвашсен хушшинче, «чăвашла вулаймастпăр» текен нумай. Кам çуратнă-ши çавнашкаллисене? Тахçан, пĕр-икĕ çул каялла, «Самант» журнал хуплашки çинче Геннадий Максимов писатель сăнланнăччĕ. «Кĕнеке вуламан çын мана интереслĕ мар», — тенĕччĕ вăл унта. Чăн сăмахсем!
Вĕрентме ансат. Диктант çырма вара...
«Тăван республикăра, хулара, ялта, çемьере атте-анне чĕлхипе калаçма кам чарать пире? Никам та. Хамăрăн сÿрĕклĕх, айванлăх, шиклĕх çеç мар-и?» — çырать Надежда Смирнова журналист. Манăн, Пушкăртстан чăвашĕн, хавшак чĕришĕн çак сăмахсем бальзам вырăннех пулчĕç.
1992 çулта чĕлхерен пистерекен «И.Андреев- Ю.Виноградов орфографийĕ» хуçаланма пуçланăшăн хамăрах айăплă.
Pages
- « первая
- ‹ предыдущая
- …
- 2
- 3
- 4
- 5
- 6
- 7
- 8
- 9
- 10
- …
- следующая ›
- последняя »