Archive - 27 Çу, 2014 - Хыпар

Пушар хăрушсăрлăхне тивĕçтерес тĕлĕшпе çу уйăхĕн 31-мĕшĕччен транспорта, республикăра пурăнакансене вăрмана ирĕккĕн кĕрсе çÿреме чарнине «Хыпар» пĕлтернĕччĕ.

ЧР Министрсен Кабинечĕ ĕнертен пуçласа ятарласа йышăну кăлариччен вут-çулăм хăрушлăхне хирĕçле лару-тăру туса хума йышăннă. Кабинет хушăвне федерацин «Пушар хăрушсăрлăхĕ çинчен», республикăн «Чăваш Республикинчи пушар хăрушсăрлăхĕ çинчен» саккунĕсемпе килĕшÿллĕн, шăрăх кунсенче пушар тухсан çийĕнчех сÿнтерес тĕллевпе пурнăçлаççĕ.

Çу уйăхĕн 22-мĕшĕнче ЧР Министрсен Кабинечĕн Председателĕ Иван Моторин республика Пуçлăхĕ çумĕнчи наци проекчĕсене пурнăçлас тĕлĕшпе ĕçлекен канаш ларăвне ирттерчĕ.

Çакнашкал пĕтĕмлетÿпе вĕçленчĕç аслă шкулта иртнĕ Раççей коопераци университечĕн филиалĕсенче вĕренекен студентсен ăмăртăвĕсем. Шупашкарти пулас кооператорсем чылай тупăшура мала тухса Чăваш Ен спорт регионĕ пулнине тепĕр хут çирĕплетрĕç.

«Пысăк çемьере» пин-пин çамрăк вĕренет

Çу уйăхĕн 23-мĕшĕнче Санкт-Петербургра пĕтĕм тĕнчери экономика форумĕнче Чăваш Ен Пуçлăхĕ Михаил Игнатьев Архангельск тата Кострома облаçĕсен кĕпĕрнаттăрĕсемпе суту-илÿпе экономикăра, ăслăлăхпа техникăра тата культурăра çыхăну тытса ĕçлесси çинчен калакан килĕшÿсене алă пуснă.

Çак килĕшÿсен тĕп тĕллевĕ - регионсен социаллă пурнăçĕпе экономикин мĕн пур тытăмĕнче ăнăçлă ĕçлессине тивĕçтересси. Опытпа паллашни регионсем тытакан çыхăнăва çирĕплетмешкĕн йĕркелÿ, экономика, право тĕлĕшĕнчи условисем туса хума пулăшĕ.

Шупашкарта иртнĕ Халăхсен хушшинчи кинофестиваль та хупăнчĕ. Пилĕк кун та пилĕк каç тыткăнларĕ вăл Чăваш Ен тĕп хулинче пурăнакансене. Вĕсене çеç мар, кино çăлтăрĕсене Хĕрлĕ Чутайсемпе Патăрьелсем те йышăнчĕç. Мĕншĕн шăпах вĕсем-ха? «Культура территорийĕ» ята кăçал шăпах вĕсем тивĕçнĕ.

28 çулти Роман Сидорова, çу уйăхĕн 19-мĕшĕнче ФСИНăн республикăри управленийĕн юсанмалли 3-мĕш колонийĕнчен тарнăскере, иртнĕ шăмат кун каçхине тытса чарнă.

Паллах, шыравăн пĕтĕм вăрттăнлăхне уçса памаççĕ, Следстви комитечĕн Чăваш Енри управленийĕн пресс-служби пĕлтернĕ тăрăх - таркăна асăннă колони сотрудникĕсем засада йĕркелесе Çĕнĕ Шупашкарти груз юхан шыв порчĕн территорийĕнче тытнă. Сидоров право хуралĕн органĕсен сотрудникĕсене хирĕç тăнă-мĕн. Вĕсенчен пĕрне уринчен чукмарпа çапнă.

Пуш уйăхĕн вĕçĕнче Улатăр районĕн çамрăкĕ «Иж-Планета» мотоциклпа ашшĕ патне кайнă. Анчах ун патне çитеймен, çул пылчăклă пулнипе транспорт хатĕрне тепĕр урамра лартса хăварма тивнĕ.