Archive - Пуш 2014 - Хыпар

• Савăнăç парнелекен асамçăсем

Пĕтĕм тĕнчери театр кунĕнче "Чĕнтĕрлĕ чаршав" конкурс çĕнтерÿçисене чысларĕç.

• Вăхăт çĕр ĕçченне васкатать

Йĕпреç тăрăхĕнчи "Патман" ял хуçалăх кооперативĕн ĕçченĕсем çурхи ĕççие тĕплĕн хатĕрленнĕ.

• Номерте - "Ыйту-хурав", "Мĕн çыраççĕ хаçатсем", "КРИМ" кăларăмсем.

• Сочи çĕкленÿллĕ кăмăл-туйăм парнелерĕ

Олимп тата Паралимп вăййисен тĕп хулинче Чăваш Енри 200 яхăн волонтерпа 11 судья ĕçленĕ

Пуш уйăхĕн 27-мĕшĕ - Пĕтĕм тĕнчери театр кунĕ. Театр пĕлтерĕшĕ пирки нумай çырнă, калаçнă, анчах асамлă çав вăй нихăçан та çынна тĕлĕнтерме чарăнмасть. Пĕлетпĕр, сцена çинче пулса иртекен ĕçе артистсем выляса, сăнарласа кăтартаççĕ.

Олимп тата Паралимп вăййисен тĕп хулине Чăваш Енрен вун-вун çын çитсе курнă, 200 яхăн волонтер тата 11 судья спорт объекчĕсенче ĕçленĕ. Сочирен епле кăмăл-туйăмпа таврăннă-ха пирĕн ентешсем. Хăшĕ-пĕринпе тĕл пулса калаçма май килчĕ.

Ашшĕ хăйне, «Эх, мĕншĕн ывăл пулман-ши эсĕ?» - тени Галина Семеновнăн асĕнчен халĕ те тухмасть. Пĕчĕк чухнех вăр-вар та лара-тăра пĕлмен ачаччĕ вăл. «Класра улттăн вĕренеттĕмĕр, пилĕк арçын ача хушшинче - пĕр хĕр ача. Вĕсене кура хăюллă пулма, йывăрлăха çĕнтерме хăнăхса çитĕнтĕм, - сăмах çăмхине сÿтет вăл. - Пăчкă-пуртă та алăран кайман. Пÿрнесенчи суран çĕвви - çав вăхăт палли».

"Республикăри сывлăх сыхлавне хакламашкăн демографин икĕ кăтартăвне тĕпе хумалла. Пĕрремĕшĕ - ача çураласси, тепри - çынсем пурнăçран уйрăлни, - палăртрĕ Алла Самойлова министр журналистсем валли йĕркеленĕ пресс-конференцие уçнă май.

1882 çулхи пуш уйăхĕн 24-мĕшĕнче Берлинта Роберт Кох тухтăр хăрушă амакăн бациллине уçни пирки пĕлтернĕ. Сенсациллĕ доклада тунăранпа 100 çул иртнĕ май çак датăна пĕтĕм тĕнчери туберкулезпа кĕрешмелли кун тесе палăртмашкăн йышăннă. Унăн эмблеми - шурă чечек, ÿпке тасалăхĕн палли.

Чăваш Ене «Пĕтĕм Раççейри телекурав тата радиохыпарлав компанийĕ» ФПУП генеральнăй директорĕн çумĕ - регион департаменчĕн ертÿçи Рифат Сабитов килнĕ. Унпа республика Пуçлăхĕ Михаил Игнатьев тĕл пулнă.

Канаш районĕнчи Пукăртанра пурăнакан Николай Павловăн ачалăхĕ çăмăл иртмен. «Атте эпĕ улттăмĕш класра вĕреннĕ чухне аварие лексе сарăмсăр вилчĕ, - йывăррăн аса илчĕ иртнĕ кунсене Николай Григорьевич. - Вăл мана мĕн пĕчĕкрен техникăна юратма вĕрентни халĕ кулленхи ĕçре пулăшать çеç. Уроксем хыççăн машина-трактор паркне час-часах каяттăм. «Григорий Павлович, - тетчĕç ăна юлташĕсем, - ывăлу сана пулăшма çитрĕ». Механикăн ĕçĕ нумайччĕ çав. Анне, Алюстина Петровна, зоотехник пулнă. Вăл мана выльăх-чĕрлĕх тĕнчипе çывăхлатрĕ».

Йĕпреç тăрăхĕнчи «Патман» ял хуçалăх кооперативĕн ĕçченĕсем пĕлтĕр уй-хире пуринчен малтан тухса акана ăнăçлă вĕçленĕччĕ. Кăçал та çав ĕмĕт-тĕллевпех хавхаланаççĕ. «Ир вăраннă кайăк пирки ваттисем каланă çунатлă сăмахсене асрах тытатпăр, - тет Çĕнĕ Выçлипе Хумри Ишек ялĕсене пĕрлештерекен хуçалăх ертÿçи Владимир Никифоров. - Машина-трактор паркĕнчи мĕн пур агрегата хĕл кунĕсенчех юсавлисен ретне лартрăмăр. Юсавçăсен звенине механизаторсем те пысăк пулăшу пачĕç.