Archive - Пуш 2014 - Хыпар

Предприяти-организацире вăй хуракансене ĕç укçине вăхăтра тата туллин тÿлес, ĕçлев саккунĕсене пăсасран сыхланас ыйтусене прокуратура органĕсем куçран вĕçертмеççĕ. Шел те, прокурорсем валли ку сферăра ĕç пайтах.

Етĕрне районĕнчи Тури Ачак культура çуртĕнче Чăваш Республикин тава тивĕçлĕ вĕрентекенĕ Евдокия Пчелкина çуралнăранпа 90 çул çитнине халалланă ас тăвăм каçĕ иртрĕ.

ЧР Патшалăх ветеринари службин «Муркаш районĕнчи чĕр чунсен чирĕсемпе кĕрешекен станци» патшалăх учрежденийĕн историйĕ пысăк. Унăн кун-çулĕ ЧР Министрсен Канашĕн 1964 çулхи пуш уйăхĕн 24-мĕшĕнчи йышăнăвĕнчен пуçланать. Пĕрремĕш пуçлăхĕ - Р.А.Огурцов, каярах - А.А.Алексеев. 1965 çултанпа çак должноçра - М.А.Миронов.

Муркаш районĕн судне йĕркеленĕренпе çак кунсенче 70 çул çитрĕ. Маларах ку тăрăхра тĕрĕслĕхе Тутаркасси, унтан Мăн Сĕнтĕр халăх сучĕсем тивĕçтернĕ. 1944 çулхи пуш уйăхĕнче вара Муркаш районĕн судне туса хунă.

Ĕнер Шупашкарăн ача-пăчапа çамрăксен пултарулăхĕн керменĕнче ССР Союзĕнчи вĕçсĕр-хĕрсĕр çереме тата парлак çĕре пусă çаврăнăшне кĕртме тытăннăранпа 60 çул çитнине халалланă савăнăçлă пуху иртрĕ. Унта район-хуларан пуçтарăннă, 1954-1960 çулсенче çерем уçнă ветерансем хутшăнчĕç.

Юлашки 5-6 çулта Чăваш патшалăх ял хуçалăх академийĕн студенчĕсем Александр Чернов, Денис Семенов, Виталий Семенов, Александр Павлов, Иван Кривов, Вăрнар тата Патăрьел районĕсенчи хăш-пĕр каччă кире пуканĕ йăтассипе Раççей спорт мастерĕн нормативне пурнăçларĕç.

Эпĕ Тăвай районне кĕрекен Тенеялĕнче çуралнă. Ял Тутар Республикин чиккинче вырнаçнă. Улăхра Эль, Вăта юхан шывĕсем шăнкăртатаççĕ. Пĕр тĕлте пĕрлешеççĕ те Кĕтнене çул тытаççĕ. Эпир мĕн пĕчĕкрен Вăтапа Эль тĕл пулнă вырăна Пĕчĕк Кĕтне тесе ÿснĕ. Унта йĕри-тавра вырăс ялĕсем, Мучар, Кĕрше, Тиренч, Сосновка, Мăрат...

Красноармейски районĕнчи Карай ял тăрăхне кĕрекен Кÿлхĕрри кÿлли çинче районти пулăçсен ăмăртăвĕ иртрĕ.

Пушăн 16-мĕшĕнче Крымра референдум иртрĕ. Унта суйлавçăсен 96% ытла Раççейпе пĕрлешессишĕн сасăларĕç. Иртнĕ ытлари кун Крым Республикипе Севастополь хули пирĕн çĕр-шывăн субÿекчĕсем пулса тăчĕç.

Пуш уйăхĕн 14-мĕшĕнче паллă художникĕн, чăвашсен профессионал ÿнер искусствин никĕслевçин Алексей Кокелĕн тăван çĕрĕнче, Патăрьел районĕнчи Турхан ялĕнче, Халăхсен хушшинчи X Кокель вулавĕсем вĕçленчĕç.