Archive - Пуш 2014 - Хыпар

Пĕрлехи информаци кунĕнче ЧР информаци политикин министрĕ Валентина Андреева ертсе пыракан ушкăн «Хыпар» Издательство çурчĕн коллективĕпе тĕл пулчĕ.

Иртнĕ ытлари кун Кремльте РФ Президенчĕ Владимир Путин, Крымăн Патшалăх Канашĕн председателĕ Владимир Константинов, республика премьер-министрĕ Сергей Аксенов тата Севастополь мэрĕ Алексей Чалый Крым Республикипе Севастополь хулине çĕнĕ субъектсен шучĕпе Раççей тытăмне йышăнасси çинчен калакан килĕшĕве алă пусрĕç.

ЧР ШĔМĕ асăрхаттарать: палламан-туман çынсене укçа вакласа панă май улталанасси те часах.

Шăмăршăра шкул ачисен 26-мĕш спартакиади старт илнĕ. Вĕренекенсем тĕрлĕ ăмăртура чи маттуррисене палăртассишĕн вăй виçеççĕ. Çак кунсенче районта шашкăлла выляссипе турнир иртнĕ.

Тăвай вăтам шкулĕнче Культура çулталăкне халалласа «Аваллăх ахрăмĕ» этнографи кĕтесĕ уçăлнă.

Елчĕк районĕнчи Лаш Таяпа ял тăрăхĕнче пулăç сахал мар. Хĕллехи сивĕ кунсенче те вĕсем юратнă ĕçне пăрахмаççĕ. Çак кунсенче пулăçсем Идут çырмине фестивале пухăннă.

Хальхи саманара çĕнĕ йышши техникăпа ĕçлеме пĕлни питĕ пĕлтерĕшлĕ. Çавăнпах тивĕçлĕ канăва тухнисем те паянхи пурнăçпа тан пыма тăрăшаççĕ.

Тавраллах вăрман хупăрласа тăракан çĕрте вырнаçнă "Заря" ял хуçалăх предприятийĕн ĕне ферминче ĕçлекенсем пĕлтĕр тунă çитĕнÿрен тĕлĕнмелле: вĕсем пĕтĕмĕшле продукци илессине виçĕм çулхи шайран 50 процент ÿстернĕ.

Смычкăсем унччен сĕт сăвассипе Йĕпреç тăрăхĕнче чи кайрисенчен пĕрисем пулнă. Кунти кашни ĕне талăкра 3-4 килограмран ытла сĕт антарайман. Йĕпреçри продукци тирпейлекен "Сĕт империйĕ" предприятие вара куллен 250-300 килограмм патне çеç ăсаткаласа тăнă. Выльăх-чĕрлĕх пăхакансене кĕске вăхăтрах пысăк улшăнусем патне пырса тухма мĕн пулăшнă-ха?

Çын тĕрлĕ сăлтава пула ĕçсĕр юлсан унăн кăмăлĕ пусăрăнать. Пĕр çĕре кайса пăхать вăл, тепĕр çĕре... - ваканси çукран этем пушшех кулянма пуçлать, лару-тăрăва ырă еннелле улăштарас тесен чи малтан мĕн тумаллине те пĕлмест.

ЧР Министрсен Кабинечĕн Председателĕ Иван Моторин çак кунсенче Шупашкар районĕнче пулчĕ, унта "Ясна" этноэкологи комплексне тăвас ĕç мĕнле пынипе паллашрĕ.