ултав

Çу варринчех полицие республикăра пурăнакансен банк картти çинчен укçа-тенкĕ вăрлани çинчен ыйтусем килме тытăннă. ШĔМ ĕçченĕсем çакна тĕпчесе пĕлнĕ: вĕсем маларах интернетри сайтсенче япала сутассипе çыхăннă пĕлтерÿсем вырнаçтарнă иккен. Ултавçă япала туянасшăн пек пулса укçа-тенкĕ куçарма тесе банк карттин реквизичĕсене, тепĕр енчи вăрттăн цифрăсене ыйтса пĕлнĕ. Кăшт вăхăт иртсенех сутуçăсен карттинчи укçа-тенкĕ çухалнă.

Шăматкун Шупашкарти полицин 4-мĕш уйрăмне 55 çулхи хĕрарăм пырса ултавçăсен аллине çакланнине пĕлтернĕ.

Хăй каласа панă тăрăх, Интернетра кĕпе-йĕм çăвакан машинăна сутасси пирки пĕлтерÿ панă. Пĕр кун маларах ун патне палламан çын шăнкăравланă, машинăна туянас кăмăллă пек пулса укçа-тенке карта çине куçарма шантарса реквизичĕсене ыйтнă. Кăшт вăхăт иртсен çав çын карта çине укçа куçарайманнине пĕлтерсе ытти картăн реквизичĕсене те ыйтнă. Хĕрарăм 63 пин тенкĕсĕр тăрса юлнă.

Етĕрне районĕнче пурăнакан арçын ултавçăсен серепине çакланнă. Хайхискер таваршăн 27 пин тенкĕ куçарнă пулнă.

Хур курнăскер ют çĕршывра туса кăларнă çăмăл автомашини валли çĕнĕ двигатель интернетра шыранă. Тупăннă! Ярославльте! Хуçипе çыхăннă та хак пирки калаçса татăлнă. Малтан вăл сутуçа 3 пин тенкĕ куçарса панă. Документсен копийĕсене курсан ытти 24 пинне те ярса панă. Анчах двигатель вырăнне ăна икĕ михĕ кирпĕч ярса панă. Уголовлă ĕçе пуçарнă, ултавçа шыраççĕ.

Интернетра вырнаçтарнă пĕлтерÿ авторĕ çынсене пĕр кунрах ĕçе вырнаçтарма шантарнă. Ăна ĕненнисем хăйсене Екатеринбург çынни, маларах темиçе хут та судпа айăпланнăскер, пулăшу сĕннине тавçăрма та пултарайман. Анчах полици çакна пĕлнĕ…

Pages

Subscribe to ултав