укçа-тенкĕ

14 Çĕртме, 2020

Ялта ĕне усракан кашни çемье хĕпĕртенĕ

Альбина КУЗЬМИНА, Канаш районĕнчи Яманкасси ялĕнче виçĕ ĕне усракан:
Килти хушма хуçалăх тытакансене сăвакан ĕнесене усранипе пулакан тăкаксене субсиди парса саплаштараççĕ тенине ирпе сĕт пама тухса илтсе кĕтĕм. Куншăн, чăнласах та, ялта ĕне усракан кашни çемье хĕпĕртенĕ.

13 Çĕртме, 2020

Ял çыннишĕн курăмлă пулăшу пулĕ

Ирина Петрова, Вăрнар районĕнчи Хирпуç ялĕ, 37 çулта:

Эпĕ Çĕрпелти ветеринари участокĕнче ĕçлетĕп, мăшăрăм – «Победа» кооперативра. Килти хушма хуçалăха аталантарассипе тĕллевлĕ тăрăшма та вăхăт тупатпăр: мăйракаллă шултра выльăх-чĕрлĕх 6 пуç тытатпăр, çав шутра – 3 ĕне. Выльăх-чĕрлĕх ĕрчетни çемье бюджетне пысăклатать, паллах. Анчах та хальхи вăхăтра сĕт хакĕ йÿнĕ пулни пăшăрхантарать.

11 Çĕртме, 2020

Субсиди парассине пĕлтерсен питĕ савăнтăмăр

Владимир Павлов, Патăрьел районĕнчи Кивĕ Ахпỹрт ялĕ:

- Ялта ĕне-выльăх шăпах тупăш çăлкуçĕ шутланать. Унчченсенче пĕр ĕне çеç тытнă, халĕ витере 7-8 пуçран кая пулса курман. Кулленех патшалăха сĕт сутатпăр, çапла майпа çемье бюджетне укçа кĕртетпĕр. Анчах пăхман выльăхран продукци илейместĕн, çакна шута илсе утă-улăм тата ытти апат та нумай кирлĕ. Ĕнен сĕчĕ чĕлхи çинче тесе ахальтен каламан.

8 Çĕртме, 2020

Ĕне усракансене укçа парĕç

Ĕç тăвакан влаç органĕсен тата муниципалитетсен ертÿçисемпе тунтикун ирттерекен планеркăра Чăваш Ен ертÿçи Олег Николаев картишсене хăтлăх кĕртмешкĕн уйăрнă укçапа усă курас тĕллевпе халĕ те контракт туман муниципалитетсем пирки ÿпкелешсе калаçрĕ. Çак укçан пĕр пайне килти хушма хуçалăх тытса тăракансене сăвакан ĕнесене усранипе пулакан тăкаксене субсиди парса саплаштарма ярĕç.

8 Çĕртме, 2020

Суйса пособи илсен явап тыттарĕç

Чăваш Ен Ĕç тата социаллă хÿтлĕх министерстви пĕлтернĕ тăрăх, ĕçсĕрлĕх центрĕсенче учета тăракансем хушшинче улталакансем тĕл пулаççĕ.

Кăçалхи кăрлач-çу уйăхĕсенче 39 çын ĕçсĕрлĕх пособине суйса илнĕ. Вĕсене 248,6 пин тенкĕ пособи тÿленĕ. Ултав çиеле тухсан 197,5 пин тенкине бюджета тавăрса панă. Ытти укçана та шыраса илĕç.

Pages