аслă шкулсем

И.Н.Ульянов ячĕллĕ ЧПУ профессорĕ, культурологи докторĕ Владимир Васильев Чечня патшалăх университечĕн истори факультетĕнче чăваш халăх историйĕпе культури çинчен лекци вуланă.
Философи наукисен докторĕ Т.Мазянова профессор палăртнă тăрăх — Чечня Республикин хальхи историйĕнче Чăваш Ен профессорĕ лекци вулани пулман-ха. Вăл çавăн пекех çак ĕçтешлĕх икĕ университетăн туслă çыхăнăвне аталантарма пулăшакан никĕс пулса тăнине çирĕплетнĕ.

Чăваш патшалăх ял хуçалăх академийĕнче «Студентсен науки — академи ăслăлăхĕн алăкне уçассишĕн тунă пĕрремĕш утăм» наукăпа практика конференцийĕ иртнĕ.
Унта аслă шкулăн районсенчи 10-мĕш тата 11-мĕш агрокласĕсенче вĕренекенсем те пĕлĕвне тĕрĕсленĕ. Инженери факультечĕ А.Н.Крылов академик çуралнăранпа 155 çул çитнине халалласа йĕркеленĕ секцире вĕсем хатĕрленĕ 7 доклада итленĕ. Екатерина Павловăпа Михаил Убан тĕпчевĕсем — чи лайăххисем. Вĕсене конференци дипломĕсене парса хавхалантарнă.

Иртнĕ кунсене аса илер-ха: темиçе çул каялла аслă шкултан вĕренсе тухнă специалистсене ĕç вырăнĕ тупма питĕ йывăрччĕ. Никам та вĕсене алăк уçса кĕтсе илмен…

Самана улшăнса пырать. Телее, лайăх енне. Юлашки вăхăтра ĕç паракансемпе вĕренÿ заведенийĕсен хушшинче туслă çыхăнусем çирĕпленсе пыраççĕ. Ку енĕпе уйрăмах Раççей коопераци университечĕн Шупашкарти коопераци институчĕ /филиалĕ/ ырă тĕслĕх кăтартать: аслă шкул студенчĕсен малашлăхри çул-йĕрне тупма пулăшас тĕлĕшпе тĕрлĕ ĕç-хĕл пурнăçлать.

М.В. Ломоносов ячĕллĕ Мускав патшалăx yниверситетěнче вĕренекенсем ĕнер чăваш халăхĕн тумтирĕпе паллашнă. Тухья, хушпу тата ытти ытарайми илеме çĕршывăн теп хулине Чăваш патшалăх культура тата искусство институчĕн студенчĕсем илсе кайнă. Ĕçсен авторĕ - Шупашкарти çак аслă шкулăн доценчĕ Зинаида Воронова тата студентсем.

Subscribe to аслă шкулсем