Çĕнĕ çул умĕн ĕмĕтсем, ырă пулăмсем пурнăçа кĕни савăнтарать, кăмăла çĕклет. Акă паян Чăваш патшалăх ял хуçалăх академийĕнче клиникăпа гематологи тĕпчевĕн лабораторине уçрĕç.
Вăл выльăх чир-чĕрне юн тăрăх тупса палăртмашкăн кирлĕ. Кун пек лаборатори академинче малтан пулман. Çавна май анализсене тĕпчеме урăх çĕре янă.
Чÿк уйăхĕн 9-11-мĕшĕсенче И.Я.Яковлев ячĕллĕ Чăваш патшалăх педагогика университечĕн «Мечта» профилактори-санаторийĕнче пĕтĕм Раççейри студентсен пĕрлешĕвĕсен «Хастар» 8-мĕш слечĕ иртнĕ.
Кăçалхи утă уйăхĕнче пĕр хыпар соцсетьсенче çиçĕмле хăвăртлăхпа сарăлчĕ. Мускав çывăхĕнчи Химки хулинчи Руслан Салимгареевăн патшалăхăн пĕрлехи экзаменĕсен кăтартăвне сÿтсе яврĕç. 11-мĕш класран вĕренсе тухаканскер тăватă предметпа 100-шер балл пухма мехел çитернĕ!
Авăнăн 10-15-мĕшĕсенче Чăваш патшалăх ял хуçалăх академийĕн студенчĕсем Ростов облаçĕнчи «Çамрăк аграрисем» форума хутшăннă. Ушкăнра «Зверополис» отряд командирĕ — Дмитрий Паторов, методисчĕ — Александра Иванова тата «Студвестник Чувашской ГСХА» хаçат корреспонденчĕ Анастасия Данилова пулнă.
И.Н.Ульянов ячĕллĕ ЧПУ профессорĕ, культурологи докторĕ Владимир Васильев Чечня патшалăх университечĕн истори факультетĕнче чăваш халăх историйĕпе культури çинчен лекци вуланă.
Философи наукисен докторĕ Т.Мазянова профессор палăртнă тăрăх — Чечня Республикин хальхи историйĕнче Чăваш Ен профессорĕ лекци вулани пулман-ха. Вăл çавăн пекех çак ĕçтешлĕх икĕ университетăн туслă çыхăнăвне аталантарма пулăшакан никĕс пулса тăнине çирĕплетнĕ.
Чăвашла верси
Русская версия
