сывлăх

Чăваш Ен Пуçлăхĕ Михаил Игнатьев  Санкт-Петербургри нумай профильлĕ больницăра планпа килĕшÿллĕн сипленет. Хăйне йĕркеллĕ туять, кăмăлĕ çĕкленÿллĕ. "Министрсен Кабинечĕ ыйтнипе эрнекун Санкт-Петербург хулинче пултăм", — пĕлтерчĕ ĕç тăвакан влаç органĕсен тата муниципалитетсен ертÿçисемпе тунтикунсерен йĕркелекен канашлура сывлăх сыхлавĕн министрĕ Владимир Викторов. 

Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен эрне каяллахи планеркăра та ача вилĕмĕпе çыхăннă инкек пирки калаçу пулнăччĕ, шел, ку хутĕнче те хурлăхлă хыпар пулчĕ — Елчĕк районĕнче пĕчĕк ача, 2013 çулта çуралнăскер, вилнĕ.

Ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура муниципалитетсен хушшинчи пахчаçăсемшĕн меллĕ вăхăтлăх маршрутсемпе пассажирсене илсе çÿрессине йĕркелес ыйтупа транспорт министрĕ Александр Николаев сăмах илчĕ.

Паян Чăваш патшалăх университетĕнче "Культурăпа кану хутшăнăвĕсене тата спорт мероприятийĕсене нормăпа право тĕлĕшĕнчен йĕркелесси" темăпа пĕтĕм тĕнчери наукăпа практика конференцийĕ иртрĕ.

Патăрьел районĕнчи Сăкăтра 39 çулти арçынна ĕне амантнă. 

Пăтăрмахĕ пуш уйăхĕн 3-мĕшĕнче пулса иртнĕ. Мăйракаллă шултра выльăх картишĕнче кил хуçисенчен пĕрне тĕкнĕ. Арçын сусăр пулнăран та хирĕç тăрайман курăнать. Темиçе хут та тĕкнĕ вăл. Кăкăр шăммине, темиçе аяк пĕрчине хуçмаллах амантнă. Халĕ арçын больницăра сипленет. 

www.hypar.ru

 

 

 

Pages

Subscribe to сывлăх