Спартакиада

Шкул ачисен спортпа техника тата спортăн ĕçлев тĕсĕсемпе иртекен 14-мĕш спартакиадин ăмăртăвĕсем вĕçленчĕç. Ачасем А.Г.Николаев космонавт ячĕллĕ Кубокшăн тупăшрĕç. Ракета тата авиаци моделĕсен ăмăртăвĕсем Муркаш районĕнчи Юнкă ялĕнче иртрĕç.
2017-2018 вĕренÿ çулĕнче спартакиадăн республика тапхăрне 95 команда хутшăннă /25 районпа хуларан 500 ытла ачаº. Район тапхăрĕсенче вара 2 пин те 900-е яхăн шкул ачи тупăшнă.

Шупашкарти интернат шкулта вĕренекен Света Михайлова ачаранпах япăх курать. Апла пулин те вăл пурнăç йывăрлăхĕсене парăнтарса яланах савăнма тăрăшать. Хĕрĕн пушă вăхăт çукпа пĕрех: уроксем хыççăн вăл спорт секцине васкать. 7 çултах спортпа туслашнă хĕрĕн пухмачĕнче паян — вун-вун медаль. 15-ри атлет Зоя Егорова вĕрентекен пулăшнипе спортра пысăк çитĕнÿсем тăвать.

Ĕçлекенсен Пĕтĕм Раççейри ăмăртăвĕ авăн уйăхĕн 22-мĕшĕнче пуçланать. Спартакиадăна хатĕрленессипе çыхăннă ыйтусене ЧР спорт министрĕ Сергей Шелтуков ертсе пынипе иртнĕ ĕçлĕ ушкăнăн ларăвĕнче пăхса тухнă.

Pages

Subscribe to Спартакиада