Archive - 5 Mar, 2014 - Хыпар

Пĕлтĕрхи раштав уйăхĕнче Етĕрне районĕнчи Пушкăрт ял тăрăхĕнче пултăмăр. Кĕçĕн Тÿмерле ялĕн урамĕнче кашкăр пек йытăсене асăрхарăмăр та шикленнипе: «Шăлаварсăр хăвараççĕ, - терĕмĕр. - Ăçта пытанас?»

Юрать-ха, Римма Лукина ветеран пÿртĕнчен хăвăрт чупса тухса картишне кĕртрĕ. Йытăсем малалла вĕçтерчĕç. «Заря» ЯХПК çурчĕн алăкне уçрăмăр кăна - пирĕн çине пăру çÿллĕш йытă харлатса сикрĕ. Алăка вăхăтра хупса ĕлкĕртĕмĕр, Пушкăрт ял администрацийĕн çуртне кĕрсе тартăмăр.

2013 çулхи авăн уйăхĕн 1-мĕшĕнче «Раççей Федерацийĕнчи вĕренÿ çинчен» çĕнĕ саккун вăя кĕчĕ. Унпа килĕшÿллĕн ача садне çÿрекен пепкешĕн ашшĕ-амăшĕ тÿлес йĕрке те улшăнчĕ. Халĕччен садике çÿрекенĕн çывăх çыннисем çине мĕн пур тăкакăн 20 проценчĕ тиенетчĕ.

Олимп вăййисене хутшăннă спортсменка Японири Инавасиро хулинче иртнĕ тĕнче кубокĕн 19-мĕш тапхăрĕнче могул енĕпе тупăшса пьедесталăн иккĕмĕш картлашки çине хăпарнă.

Муркаш районĕнче «Çут çанталăкпа килĕшÿре пурăн, юратнă Муркаш енĕм!» проектпа килĕшÿллĕн «Юман валли - сăпка» тĕпчев ĕçĕсен конкурсĕ иртнĕ.

Ăна асăннă район администрацийĕн вĕрентÿ, çамрăксен политикин, физкультурăпа спортăн информаципе меслет центрĕн пуçарăвĕпе йĕркеленĕ. Унăн тĕп тĕллевĕ - ачасемпе çамрăксене тĕпчевпе шырав ĕçĕсене ытларах явăçтарасси, тăван тăрăха юратма, хаклама вĕрентесси.

Канаш районĕнчи Кайри Ăнтавăш вулавăшĕнче «Паллă тĕпчевçĕ, пултаруллă историк В.К.Магницкий - 175 çул» литература каçĕ иртнĕ. С.Димитриева ачасемпе çамрăксене ăсчахăн пурнăçĕпе пултарулăхĕ çинчен каласа панă.

Елчĕк районĕнче хастар та маттур, пуçаруллă та мал ĕмĕтлĕ, умне лартнă тĕллеве чăна çавăрас тесе нимĕнле йывăрлăхран та хăраман хĕрарăмсем пур. Патреккел ялĕнчи Татьяна Теплова шăпах çавсен йышĕнчен. Нумаях пулмасть вăл хăйĕн çутă ĕмĕтне пурнăçа кĕртнĕ: Елчĕкре «Мечта» кафе уçнă.

Сĕнтĕрвăрри районне юлашки вăхăтра пуçлăхсемпе ăнсах каймасть. Район администрацийĕн тилхепине юлашки çулсенче ертсе пынă çынна взятка илнĕ тесе суд умне тăратнă май Сĕнтĕрвăррисем çĕнĕ пуçлăх вăхăтлăх пулмасса шанаççĕ. Вĕсен шухăшĕпе, шăпах ертÿçĕсем вăхăтлăххи, «ют» çынсем район нуши-тĕллевне çывăха илменни çине-çинех такăнтарать.

Сĕнтĕрвăрринче пурăнакан Николай Шипулин пирки чăкăлтăш çын тееймĕн, политикăран та аякра, анчах шăпах вăл район влаçне темиçе уйăх ĕнтĕ пĕр ыйтупа канăç памасть - тĕпчет, хурав ыйтать, тĕрлĕ инстанцие çыру çырать.

«Хыпар» ыйтăвĕсене ЧР çут çанталăк ресурсĕсен тата экологи министрĕ Иван Исаев хуравлать

- Вăрă-йĕкелтен хунав шăтаракан питомниксем 2010 çулхи пушар хыççăн çунчăкран тасатнă лаптăксене ешĕллентерес ĕçре мĕнле вырăн йышăнаççĕ?

5 Mar, 2014 | Хыпар | Хула | Пахалу

Нарăсăн 28-мĕшĕнче ЧР Наци библиотекинче биологи ăслăлăхĕсен кандидачĕсем Людмила Теплова, Виктор Балясный, Леонид Егоров, Валентина Подшивалина пухса хатĕрленĕ статьясен пуххине пахаларĕç.

Вĕсене «Çут çанталăкăн «Сăрçи» патшалăх заповедникĕ» федераци учрежденийĕн директорĕн çумĕ, биологи ăслăлăхĕсен кандидачĕ Александр Димитриев пурнăçĕпе ĕç-хĕлне халалланă. Кăларăм /пиллĕкмĕш/ - «Чăваш Республикинчи биологсем тата экологсем» ярăмран. Ăна хаклама Шупашкарти аслă шкулсен преподавателĕсем, çут çанталăка тĕпчекен ăсчахсем, студентсем пуçтарăнчĕç.

Pages