Archive - Пуш 2014 - Çамрăксен хаçачĕ

Лайăх вĕренекен ача яланах малтисен ретĕнче пырать, çитĕнÿ хыççăн çитĕнÿ тăвать. Çывăх çынсемпе вĕрентекенсен ятне ярасшăн мар вăл. Çавăнпа пĕлĕвне анлăлатса нумайрах та нумайрах пĕлме ăнтăлать. Тăрăшуллисене вара, хăвăрах чухлатăр ĕнтĕ, ăнăçу нумай кĕттермест.

«Самантăн» пĕлтĕрхи 11-мĕш кăларăмĕнче «Сăвар» этнокультура паркĕпе паллаштарма шантарнăччĕ эпир. Иртнипе малашлăх чиккин асамлă-ытарлă кĕтесĕ вăл.

Çамрăклăх тени вăшт! кăна иртсе каякан телейлĕ вăхăт пулнине аслăрах ăрурисем шахвăртнă тăрăх пурте пĕлетпĕр ĕнтĕ. Анчах мĕн кăна туса ĕлкĕрмелле мар çак кĕске вăхăтра: нумай вуласа тавра курăма ÿстермелле, чуна килĕшекен лайăх професси шыраса тупмалла, аслă пĕлÿ илмелле, тĕнче курма та ĕлкĕрмелле...

Ачалăхра, ытти çамрăк пекех çунат чунлăскер, вăл математика саккунĕсем çинче никĕсленнĕ кăткăс формулăсен хитре тĕнчинче çÿреме юратнă.

Ылтăн Урта саланса кайсан Атăлçи тăрăхĕн стратеги пĕлтерĕшĕ хăрушла ÿсет. Геополитика ыйтăвĕ пĕрре: Атăл кам аллинче - çавă çĕнĕ патшалăх чăмăртать. 1551 çул. Хусан-Мускав хирĕç тăрăвĕ юпа уйăхĕн 2-мĕшĕнче тĕппипех пăчланать. Ылтăн Урта вырăнне Раççей çĕкленет, Мускав патшин самани çитет.

Чăваш хĕрарăм кĕпи кăраллăхĕ - куç тулли. Тÿрех курăнать: вăл вăрçă çи-пуçĕнчен «çуралнă». Хушпу-тенкĕ вара - хÿтĕлев çуй-кăралĕ. Унăн тытăмĕ – юлан утçăна юрăхлă çи-пуç. Çуран çапăçакан валли мар çак тум. Аркăллă кĕпене кĕскетсен вăл та куртка пулса тăрать - лаша утланса çÿремелли тумтир.

Содержание

«Тĕнчере çĕр турă мар, пĕр турă анчах», - тенĕ ватăсем. Çак шухăша ĕлĕк кăна мар, халĕ те калаççĕ туррăн хăватне шанса, ĕненсе пурăнакансем. Чи хакли - чыса, чун тасалăхне, çылăх тăвассинчен хăвна упрама пĕлни. Çакна пăхăнни тĕрлĕ тĕне ĕненекенсене те пĕр çемьене чăмăртанма кансĕрлемест.

Канаш районĕнчи Çĕнĕ Ахпÿрт ялĕнче çуралса ÿснĕ Василий Семенов çерем çĕр уçма кайнă тапхăра пурнăçĕнчи телей çулĕсемпе танлаштарать. Василий Семенович çак ĕçе икĕ хут хутшăннă. Çав çулсене вăл халĕ те йăл кулăпа, ăшă кăмăлпа аса илет. Çерем çĕр уçнă чухне савăнмалли те, пăшăрханмалли те пулнă.

Çынна çаратмалли меслетсем саманана кура улшăнаççĕ. Кăçалхи пуш уйăхĕн 17-мĕшĕ тĕлне Чăваш Енре пулнă вăрă-хурахла 300 ĕçе шута илнĕ. Вĕсенчен 68,8 процентне кăна уçăмлатма май килнĕ. Кунашкал преступленисене иртнĕ эрнере ЧР ШĔМĕнче иртнĕ пресс-конференцире сÿтсе яврĕç.