ЧР Пуçлăхĕн стипендине кăçал ял хуçалăхĕнче тăрăшакан 22 çамрăк тивĕçрĕ. Вĕсен йышĕнче Йĕпреç районĕнчи «Агропромкомплект» тулли мар яваплă общество ветеринарĕ Алина Быкова та пур. Елчĕк пикишĕн Лаша çулталăкĕ уйрăмах ăнăçлă пуласса шанас килет.
Пурăннă пулсан çыравçă, Чăваш ÿнерçисен союзĕн правленийĕн 2001-2005 çулсенчи председателĕ, ЧР культурăн тава тивĕçлĕ ĕçченĕ Василий Эктел нарăс вĕçĕнче 64 çул тултармаллаччĕ. Шел, культура ĕçченĕ, «Калем» кĕнеке издательствин никĕслевçи пирĕнтен сакăр çул каялла уйрăлса кайрĕ.
Валентина Маркова Етĕрне районĕнчи Тури Ачак шкулĕнче 10-мĕш класра вĕренет. Пике кăçал ЧР Пуçлăхĕн стипендиачĕсен йышне кĕнĕ. Мĕнпе палăрнă-ха вăл, мĕнле çитĕнӳсем тунă?
2014 çул Раççейре - Культура çулталăкĕ. Çавна май хаçатра çĕнĕ рубрика уçма тĕв турăмăр. Кăçал вулакансене республикăри клубсăр ялсен шăпипе паллаштарăпăр. Паллах, культура çурчĕсем, вулавăшсем хупăнни вĕсене тытса тăмашкăн бюджетран уçка уйăрманнипе çеç мар, халăх çÿреме пăрахнипе те çыхăннă.
Чылай хыçа юлнă çулсенчи пулăмсем кăсăклантарсан вулавăшсене çул тытатпăр. Ыйтусен хуравне тупма архив ĕçченĕсем те пулăшаяççĕ. Пушăн 10-мĕшĕнче вĕсем шăпах Архив кунне паллă тăваççĕ.
Пĕрремĕш меслет. Пуш уйăхĕнче, сад-пахчара юр выртнă чухнех пĕр-пĕр çимĕç акмалли йăран вырăнне палăртăр. Çĕр хăвăрт ăшăнма çав вырăна пленкăпа витĕр. Ака уйăхĕнче çав вырăнти çĕре кĕреçе тарăнăш хускатса чĕрĕ тислĕк хурăр, тăпрапа хуплăр.
Нумайăшĕ ялсенче тирпей-илем пултăр тесе тăрăшать. Çапах çÿп-çапа çырмана кайса тăкакан та, кирлĕ мар е юрăхсăра тухнă савăта ăçта килчĕ унта пăрахакан та пур. Ку тĕлĕшпе çирĕп йĕрке тумаллах. Пĕчĕк хуласенче е ялта тавралăха тирпей-илем кĕртес тĕлĕшпе çулсерен мĕн чухлĕ укçа уйăраççĕ-ши.
В.АРХИПОВ. Элĕк районĕ, Мартынкасси.
Иртнĕ кăларăмсенче эпир пахча çимĕçсен пусă çаврăнăшĕсем, хăш культурăсем пĕр-пĕрне «килĕштерни» е «килĕштерменни» çинчен çырнăччĕ. Паян хăш ÿсен-тăран теприне мĕнле чир-чĕртен хÿтĕлени çинче чарăнса тăратпăр.
Ыхра - томата /фитофторăран/, купăстана, йÿç кăшмана /хĕреслĕ чечеклĕ культăрăсен пыйтисенчен/, розăна, тюльпана, гладиолуса /тĕрлĕ чир-чĕртен/.
Ыраш - çĕр улмине /çĕр улми нематодинчен* кĕркунне аксан тăпрана çĕнелме пулăшать/.
Çаплах. Халăхра тĕпел тирпейлĕхне, илемлĕхне кура хĕрарăм ĕç-хĕлне те хаклаççĕ. Мĕнлерех илемлетме пулать-ха çак кĕтесе.
Чăвашла верси
Русская версия
