Archive - 21 Çу, 2014 - Хыпар

Çичĕ çул каялла турĕ вăл хăйĕн пĕрремĕш утăмĕсене Чăваш Ен çĕрĕ çинче. Ун чухне çак пулăма тĕрлĕрен хаклакансем пулчĕç: хăшĕсем иккĕленчĕç, теприсем хавхаланчĕç, Раççей кинолентисене тинех анлă экран çинче пăхма май килнĕшĕн хĕпĕртерĕç.

Пире кашнинех чăваш ялĕн шăпи, сăн-сăпачĕ, пуласлăхĕ шухăшлаттарать. Çапла пулмасăр, эпир унтан тухнă-çке. Хулара пурăнатпăр пулин те чунăмăрсем унталлах туртăнаççĕ. Юратнă Чăваш Енĕмĕрте паян пин те çичçĕре яхăн ял. Темĕнли те пур вĕсен йышăнче: аталанаканни те, пурнăçпа тан «утаканни» те, пĕтекенни те, лаштра йăмралли те, йывăçсăрри те, пĕве йышлă пулнипе палăраканни те, ача сачĕ, шкул е культура вучахĕ çуккипе нушаланаканни те...

Чăваш Республикин Патшалăх Канашĕн çу уйăхĕн 20-мĕшĕнче иртнĕ черетлĕ çирĕм пĕрремĕш сессийĕн кун йĕрки чăннипех пуян пулчĕ: депутатсем Чăваш Республикин вун пилĕк саккунĕн проектне тишкерсе иккĕмĕш вулавпа йышăнчĕç, унсăр пуçне тата сакăр ыйту сÿтсе яврĕç.

Кăçалхи ака уйăхĕн 20-мĕшĕнчен автобус-троллейбуспа çул çÿренĕ чух патшалăх çăмăллăхĕпе усă куракан пассажирсен /Тăван çĕр-шывăн Аслă вăрçин ветеранĕсемпе инваличĕсен, тыл ĕçченĕсен, инвалидсен, Чернобыль АЭСĕнчи инкек юлашкине пĕтерме хутшăннисен, ытти хăш-пĕр категорин/ электрон карттине пайăрлас - çăмăллăхçă хушаматне, ятне, а

Çĕр ĕçĕ нихăçан та çăмăл пулман. 70-мĕш çулсен вĕçĕнче йĕтемре раштав уйăхĕнче те тырă типĕтни, 80-мĕш çулсен варринче чĕркуççи таран пылчăк ашса сенĕкпе çĕр улми кăларни пуçăмра ĕмĕрлĕхех ÿкерĕнсе юлнă. Çанталăк пур пĕр юлашки çулсенчи пек улшăнса тăмастчĕ.

Чĕмпĕр облаçĕн Вĕренÿ тата ăслăлăх министерстви, Вĕрентÿ ĕçченĕсен квалификацине ÿстерекен институт тата чăваш наци культура автономийĕ чĕннипе Чăваш кĕнеке издательстви регионсен хушшинчи «Педагогическое наследие И.Я.Яковлева в аспекте современного образования и культуры» ăслăлăх практика конференцине хутшăнчĕ.

Пĕтĕм Украинăри чăвашсен пĕрлĕхĕ 2010 çулта чăмăртаннă. Унччен маларах Севастополь чăвашĕсем пĕрлешнĕ. «Тăватă çул каялла Остер хулинче пулнă хыççăн Украинăра пурăнакан чăвашсен пĕрлĕхне тĕплĕнрех йĕркелемеллине ăнланса илтĕм, - тет Надежда Лисовая. - Халĕ сакăр облаçра пĕрлĕхĕн уйрăмĕсем ĕçлеççĕ.

Красноярск крайĕнчи йăхташăмăрсем Чăваш чĕлхи кунне паллă турĕç. Уява çутта кăларуçа И.Я.Яковлева халалланă.

Тĕнче тата Европа шайĕнчи тĕрлĕ ăмăртуран пысăк çитĕнÿсемпе таврăннă спортсменсемпе вĕсен тренерĕсене чысласси йăлана кĕчĕ. ЧР Физкультурăпа спорт министерстви йĕркеленĕ савăнăçлă мероприяти ку хутĕнче «Спорт» хăна çуртĕнче иртрĕ.

...Çу уйăхĕн 11-мĕшĕнче «Мир Луксор» кинотеатрăн Пĕчĕк залĕнче çĕкленÿллĕ кăмăл-туйăм хуçаланчĕ. Урăхла пулма та пултараймасть: экран çинче Голливуд çăлтăрĕсемпе шоу-бизнесра чапа тухнă çынсем мар, Чăваш патшалăх филармонийĕн артисчĕсен паллă сăнĕсем мĕлтлетеççĕ!