Archive - Çĕртме 2016 - Хыпар

Пĕтĕм Раççейри «Единая Россия» политика партийĕн малтанхи са­сăлавĕн Чăваш Енри лидерĕсем — çитес суйлаври РФ Патшалăх Думин депутачĕн кандидачĕсем Николай Малов, Алена Аршинова, Леонид Черкесов ĕнер Шупашкарта журналистсемпе тĕл пулчĕç.

ЧР Патшалăх Канашĕн Председателĕн заместителĕ, «Единая Россия» партин Чăваш регион уйрăмĕн секретарĕ Николай Малов тĕлпулăва уçнă май РФ Патшалăх Думин кандидачĕсен суйлав умĕн пурнăçламалли ĕçĕсемпе паллаштарчĕ.

Çĕртме уйăхĕн 11-12-мĕшĕсенче республикăри чылай районта юрă, ĕç тата спорт уявне паллă турĕç

Иртнĕ шăматкун Ульяновскри "Победа" культурăпа кану паркĕнче чăваш халăх уявĕ Акатуй çирĕм çиччĕмĕш хут иртнĕ. Мероприятие çавăн пекех Чăваш Ен, Тутарстан, Пушкăртстан республикисен, Самар, Саратов, Оренбург, Пенза облаçĕсен делегацийĕсем пулнă.

Комсомольски тата Канаш районĕсенче çĕртме уйăхĕн 11-мĕшĕнче иртнĕ Акатуя республика Пуçлăхĕ Михаил Игнатьев тата унăн мăшăрĕ Лариса Юрьевна хутшăнчĕç.

— Тахçан кĕтÿ каясса кăна кĕтсе тăраттăм. Пушă сасси илтсенех ĕнене кăларса яраттăм та тутлă ыйха путаттăм. Хуняма çук — вăрçакан çук, хуп турттар кăна… Ÿкĕнетĕп халь, кахалланса мĕн чухлĕ вăхăта сая янă çавăн чухне. Тĕрлеме тытăннăранпа ыйхă çинчен пачах мантăм.

— Мĕн пăшăрхантарать-ха мана паян? Ялсенче халăх чăвашла калаçманшăн кулянатăп. Ял ачисем тăван сăмахпа пуплемеççĕ-çке. Вĕрентекенĕсем те...

Çĕнтерÿçĕсене Михаил Арланов саламларĕ.

«Чăваш хĕрарăмĕ» хаçат тусĕсен хушшинче иртнĕ çулăн вĕçĕнче такмаксен конкурсне пĕлтернĕччĕ. Ăна пĕтĕмлетнине, çĕнтерÿçĕсен ячĕсене хаçатра çырса пĕлтернĕччĕ.

Çĕнтерÿçĕсене чыслама çак кунсенче Пичет çуртне йыхравларăмăр. Хĕрÿ ĕç тапхăрĕнче — ялта çулла ĕç сахал-и — кун чухлĕ çын килессе редакци ĕçченĕсем шанманччĕ. Вăхăта шеллемесĕр ытти авторпа паллашма, йышпа савăнма кăмăл тунишĕн тепĕр хутчен тав сире!

Ĕне сăвакан е суха тăвакан, вĕрентекен е сывлăха сиплекен, ялти ятлă ватă е пĕчĕк те пултаруллă шăпăрлан — такам çинчен те хайлавсем шăрçалать, пурăнма та ĕçлеме пулăшать вăл. Етĕрне районĕнче тухса тăракан «Ĕç ялавĕ» хаçатра 2001 çултанпа тăрăшать Екатерина Казакова.

Пĕтĕм Раççейри ял спорт вăййисене 1995 çултанпа ирттереççĕ. Кăçалхипе 18-мĕш хутчен йĕркелерĕç ăна. Çак ăмăртăва Чăваш Енре иккĕмĕш çул ĕнтĕ Шупашкар районĕ йышăнать. Йăлана кĕнĕ ăмăрту ял хастарĕсемпе маттурĕсене — республикăри мĕнпур районтан пухăннă 800 яхăн спортсмена — иртнĕ канмалли кунсенче Янăшра пуçтарчĕ.