Archive - 23 Çĕртме, 2016 - Хыпар

23 Çĕртме, 2016

"Хресчен сасси" 24 /2611/ №. 23.06.2016

23 Çĕртме, 2016

Ака-суха вĕçленсен юрла та савăн

Çурхи ака-суха вĕçленнĕ май çĕр ĕçченĕсем Акатуя пуçтарăнаççĕ. Муркаш тăрăхĕнче пурăнакансем ăна Лантăш вăрманĕнчи аслă уçланкăра паллă турĕç. Уява мĕнле çитĕнÿсемпе кĕтсе илчĕç вĕсем? Уй-хир ĕçĕсемпе район администрацийĕн пуçлăхĕн заместителĕ - АПК аталанăвĕ, экономика тата муниципалитет харпăрлăх управленийĕн пуçлăхĕ Владислав Ананьев паллаштарать.

23 Çĕртме, 2016

Хапăл тăвăр йыхрава, Килсе курăр уява!

Ыран Чăваш Ен хăйĕн сумлă уявне - Республика кунне - чыслăн паллă тăвать. Тĕрĕсрех, уяв мероприятийĕсем темиçе кун маларах пуçланчĕç. Сăмахран, çĕртме уйăхĕн 21-мĕшĕнче П. Хусанкай ячĕллĕ культура керменĕнче «Пурнăç» мультимедиа куравĕ уçăлчĕ. Тăван çĕршывăн Аслă вăрçине халалланă выстăвкăра çынсем документлă кадрсемпе тата сăнÿкерчĕксемпе паллашрĕç.

23 Çĕртме, 2016

Алăкран шаккать çыравçă

Пысăк пĕлтерĕшлĕ мероприяти - Пĕтĕм Раççейри ял хуçалăх çыравĕ - кунран кун çывхарса килет. Утă уйăхĕн 1-мĕшĕнче Чăваш Енри çыравçăсем те ĕçе тытăнмалла. Республикăра яваплă тапхăра мĕнле хатĕрленнĕ? Çак кунсенче Чăвашстатра пресс-конференци иртрĕ. Ăна Чăвашстат ертÿçин заместителĕ Любовь ПЕТРОВА ертсе пычĕ.

Пĕтĕм Раççейри ял хуçалăх çыравĕ апат-çимĕç рынокне, вырăнти ресурспа тухăçлă усă курассине, хак, кредит политикине тытса пырассине лайăхлатма пулăшĕ.

23 Çĕртме, 2016

Аптрамансен йăхĕнчен

Ешĕл те парка шăтса тухнă севок уйĕ куçа илĕртет. Йăрансене çумкурăкран тасатнăран хура çĕр çинчи симĕс сухан пушшех те илемлĕн курăнать. Унсăр пуçне Елчĕк районĕнчи Курнавăшра пурăнакан Альбинăпа Алексей Ефимовсем хими препарачĕпе сайра усă курма тăрăшаççĕ. "Пĕлтĕр кăна кăшт гербицид сапса пăхрăмăр.

23 Çĕртме, 2016

Чи пултаруллисем çĕнтерчĕç

Ĕнене машинăпа сăвакан операторсемпе выльăха искусствăллă майпа пĕтĕлентерекенсен конкурсĕ, кăçал Шупашкар районĕнчи "Атлашевский" хуçалăхра иртнĕскер, яланхиллех кăсăклăхпа палăрчĕ.

23 Çĕртме, 2016

Юрă-кĕвĕ - чĕре имĕ

Юлия Еремкина 30 çул «Сăр ен» фольклор ушкăнне ертсе пырать. Хăйĕн ĕçне чунтан-вартан юратнăшăн, çитĕнÿсем тунăшăн ăна «ЧР культурăн тава тивĕçлĕ ĕçченĕ» ята парса чысланă.

«Кăмпа сутса вĕрентĕм»

23 Çĕртме, 2016

Турă пÿрнĕ телейлĕ шăпа: 50 çул юратнă мăшăрпа

Ылтăн туй кĕрекинче ларакан мăшăрсене манăн чăннипех те телейлĕ тесе калас килет. Вĕсем пурнăçри мĕн пур йывăрлăха пĕрле парăнтарса çемьене упраса хăварма, ачисене ÿстерсе пурнăç çулĕ çине кăларма пултарнă. Акă камсен чĕрисенче чăн-чăн юратупа хисеп пурăнать!

Pages