Виçмине Пĕтĕм Раççейри массăллă оборона тата спорт уйăхлăхĕ вĕçленет. Тăван çĕршыв хÿтĕлевçин кунне халалланă пысăк çак пулăмпа Хĕрлĕ Чутайра иртнĕ республикăри хĕллехи ял спорт вăййисем тÿр килни те пĕлтерĕшлĕ. Вăл кăçалхипе саккăрмĕш хут пулчĕ. Старта 21 районти 450 яхăн тĕрлĕ çулти ял ĕçченĕ тухрĕ.
Пĕтĕм Раççейри ял спорт вăййисене 1995 çултанпа ирттереççĕ. Кăçалхипе 18-мĕш хутчен йĕркелерĕç ăна. Çак ăмăртăва Чăваш Енре иккĕмĕш çул ĕнтĕ Шупашкар районĕ йышăнать. Йăлана кĕнĕ ăмăрту ял хастарĕсемпе маттурĕсене — республикăри мĕнпур районтан пухăннă 800 яхăн спортсмена — иртнĕ канмалли кунсенче Янăшра пуçтарчĕ.
Çак кунсенче çĕр-шывăн тĕрлĕ кĕтесĕнче ял спортсменĕсен Пĕтĕм Раççейри ăмăртăвĕсем иртнĕ. Чупакан атлетсемпе хăвăрт утакансем тата кĕрешÿçĕсем Кÿкеç поселокĕнчи стадионта вăй виçнĕ.
Чăвашла верси
Русская версия
