Archive - Çĕртме 2016 - Хыпар

ЧР Министрсен Кабинечĕн черетлĕ ларăвĕ икĕ сехет ытла тăсăлчĕ: унта вăтăра яхăн ыйту пăхса тухнăран çеç мар, вĕсене кашнине тенĕ пекех тĕплĕн сÿтсе явнăран. Асăннă проектсене яваплă министерство-ведомствăра малтанах тишкернĕ-ха, çапах чăвашсен "çиччĕ виç те пĕрре кас" текен каларăшĕ паянхи куншăн та пĕлтерĕшлĕ. Çакна Правительство членĕсем те асрах тытаççĕ. Ларăвăн кун йĕркине кĕртнĕ ыйтусем республика аталанăвне тата унта пурăнакансене тÿрремĕнех пырса тивеççĕ-çке.

Çĕнтерÿ, коррупципе кĕрешесси...

Ĕнер республика Пуçлăхĕ Михаил Игнатьев нумай хваттерлĕ çуртсене тĕпрен юсамалли программăна Шупашкарта еплерех пурнăçланипе кăсăкланчĕ.

Çĕртме уйăхĕн 8-мĕшĕнче Чăваш Ен Пуçлăхĕ мăшăрĕпе Лариса Юрьевнăпа, ывăлĕпе Иванпа тата хĕрĕпе Марийăпа Раççей халăх артисчĕн Филипп Киркоровăн концертне çитсе курнă. Паллă юрăç республикăна «Я» шоупа килнĕ.

Наци библиотекин «Чăваш кĕнеки» центрĕнче Чăваш Республикин кунне халалланă «Çĕрĕм-шывăм, ман аннеçĕм, эс нимрен те пахарах» курав уçăлнă.

Экспозицин пĕрремĕш пайĕнче — Чăваш Енпе, унăн çыннисемпе, çут çанталăкĕпе, наци апачĕпе паллаштаракан кĕнекесем.

Мускавра Раççей Естествознани академийĕн /РЕА/ ăслăлăх мероприятийĕсем иртнĕ.

Ăсчахсен, преподавательсемпе специалистсен Пĕтĕм тĕнчери ассоциацине Чăваш патшалăх ял хуçалăх академийĕн профессорĕ, РЕА член-корреспонденчĕ Владимир Семенов хутшăннă. Ăна ăслăлăхри çитĕнÿсемшĕн вăрттăн сасăласа РЕА чăн членне /академикне/ суйланă.

Чăваш патшалăх оперăпа балет театрĕнче Раççей тата Чăваш халăх артисчĕн Петр Заломновăн пултарулăх каçĕ иртнĕ.

Иртнĕ вырсарникун Санкт-Петербургри «Екатерингоф» культурăпа кану паркĕнче Акатуй иртнĕ. Çумăра пăхмасăр хулари тата облаçри 500 ытла йăхташ чăвашсен чи паллă уявне хутшăннă.

Акатуя официаллă хăнасем те пынă. Санкт-Петербургри Нацисен хушшинчи хутшăнусен тата миграци политикине пурнăçа кĕртес тĕлĕшпе ĕçлекен комитет ячĕпе Кирилл Сперанский саламланă. ЧР Пуçлăхĕн саламне Владимир Живов вуласа панă.

ЧР Общество палатин аппарачĕн ертÿçи Татьяна Николаенко çĕртме уйăхĕн 8-мĕшĕнче Ульяновск облаçĕн Общество палатин ĕç-хĕлĕпе паллашнă.

Чăваш Республикин пиллĕкмĕш суйлаври Патшалăх Канашĕн черетлĕ вăтăр саккăрмĕш сессийĕнче депутатсем пĕтĕмпе вунтăхăр ыйту пăхса тухрĕç. Сесси ĕçне Чăваш Ен Пуçлăхĕ Михаил Игнатьев, РФ Патшалăх Думин депутачĕ Валентин Шурчанов, ĕç тăвакан влаç тата вырăнти хăйтытăмлăх органĕсен ертÿçисем, профсоюз тата общество пĕрлешĕвĕсен, МИХсен представителĕсем хутшăнчĕç.

Евсеев текех парламентра мар

Çак кунсенче Чăваш наци конгресĕн президенчĕ Николай Угаслов тата ЧР Профессионал писательсен союзĕн председателĕ Геннадий Максимов икĕ организаци килĕштерсе тата çыхăну тытса ĕçлесси пирки килĕшÿ тунă.