Archive - Пуш 2014 - Хыпар

«Ачалăх ячĕпе, ачалăхшăн» марафон пухмачĕ кунсерен пуянланать.

Сочири Паралимп вăййисенче тупăшакан спортсменсен чăтăмлăхĕпе хастарлăхĕнчен тĕлĕнме пăрахмастпăр, çĕнтерÿ патне талпăнаканскерсем пур ăмăртура та хăюллă. Раççей йĕлтĕрçисемпе биатлонçисем пухмача 55 медальпе пуянлатнă.

Шупашкарти аслă шкулсенче вĕренекенсем пĕлÿ тĕнчинче ăслăлăх çулне те такăрлаççĕ, пултарулăх лаççинче те тăрăшаççĕ, спортпа туслисем тĕрлĕ ăмăртура хăйсен вăйне тĕрĕслеççĕ.

Чăваш Ен Пуçлăхĕ Михаил Игнатьев Атăлçи таможня управленийĕн пуçлăхĕн пĕрремĕш çумĕпе Александр Архипов генерал-майорпа ĕçлĕ тĕл пулу ирттернĕ.

Александр Архипов республика Пуçлăхне Чул хула таможнин çĕнĕ пуçлăхĕпе Юрий Лушников генерал-майорпа - ăна Раççей ФТСĕн 2014 çулхи пуш уйăхĕн 4-мĕшĕнчи хушăвĕпе килĕшÿллĕн çак должноçа уйăрса лартнă - паллаштарнă. 2010 çулхи ака уйăхĕнчен пуçласа 2013 çулхи çĕртме уйăхĕччен вăл Раççей Федерацийĕн таможня службин Кăнтăр Осети Республикинчи представителĕн должноçне йышăннă.

Вăрмар районĕнчи Карăкçырми ялĕнчи садике çÿрекен ачасем Культура çулталăкне халалланă улах каçне пухăнчĕç.

Наркомани сарăлнин танлаштаруллă кăтартăвĕсене илес тĕк - Чăваш Ен пирки лăпкă регион теме пулать. Раççейре кашни 100 пин çын пуçне наркомансен шучĕ 232 çынпа танлашать, Атăлçи округĕнче - 245. Пирĕн республикăра вара - 100 çынран кăшт кăна ытларах. Апла пулин те ку лăпланмалли сăлтав мар.

Канаш районĕнчи патшалăх ветеринари службинче 59 çын вăй хурать: 26-шĕ - аслă, 21-шĕ ятарлă вăтам пĕлÿллĕ. Тата 12-шĕ - техперсоналпа бухгалтерсем. Унсăр пуçне виçĕ хуçалăхăн производство ветслужби пур, вĕсенче - 6 специалист.

Кашни çыннăн пурнăçра ырă кăмăл-туйăмпа аса илмелли пулăм пур. Патăрьел районĕнчи социаллă центр ертÿçишĕн Анисия Воробьевăшăн та иртсе кайнă çул асра юлĕ. Хĕрарăм-ертÿçĕ районти «Авангард» хаçат йĕркеленĕ «2013 çул çынни» конкурсра палăрса хисеплĕ ята çĕнсе илчĕ.

Монополипе кĕрешекен служба виçĕ çул каялла республикăри сунар лаптăкĕсене арендаторсене саккуна пăсса валеçнĕ тесе пĕтĕмлетнĕ. ЧР Сунарçăсемпе пулăçсен патшалăх служби вĕсемпе çирĕплетнĕ килĕшÿсене таттарас тĕллевпе ЧР Арбитраж судне тавăç тăратнă.

Çынсем çут тĕнчерен уйрăлнин сăлтавĕсен йышĕнче юн çаврăнăш тытăмĕн чирĕ малта тăрать, унтан, çул-йĕр аварийĕпе çыхăннă вилĕм пысăкланнипе, - тулашри инкек-синкек, виççĕмĕш вырăнта - усал шыçă.