«Бизнеса сехĕрлентерме кирлĕ мар», - тенĕччĕ Раççей Президенчĕ пĕр канашлура. Манăн çак сăмахсен пĕлтерĕшне вырăнти хăй тытăмлăх органĕсем çине те куçарас килет. Ара вĕсене сахалтан та çирĕме яхăн тĕрĕслевпе сăнав органĕ куçран вĕçертмест вĕт. Пĕлтĕр кăна ял тăрăхĕсемпе муниципалитет йĕркеленĕвĕсене 1473 хут тĕрĕсленĕ. Вăл шутран 88-шĕ - планпа палăртнă тĕрĕслев, 585-шĕнче пĕлтермесĕр-систермесĕр документсемпе паллаштарма ыйтнă.
Йĕпреç районĕнчи Пучинке ял тăрăхне кĕрекен Пучинке, Çирĕклĕ, Савкка тата Çĕнĕ Кĕлĕмкасси ялĕсенче тăтăшах пулнă май акă мĕнле ÿкерчĕк асăрхарăм: урамсен сăн-сăпатне пăсакан, кивелнĕ, нĕрсĕр ларакан çурт кураймăн.
Янăма тенине Етĕрне районĕнчи чăваш ялне тесе ăнланмалла. Унтан ку таранччен сахал мар спортсмен тухнă. Мĕншĕнни те паллă. Ял ачи чылай çирĕпрех, чăтăмлăрах, вăйлăрах пулнăран. Тата ялсенче хăй ĕçне чунтан парăннă физкультура учителĕсем пулни те пĕлтерĕшлĕ. Вĕсем тĕллевлĕ ĕçленипе ÿсĕм кĕттермен.
Тивĕçлĕ канăва тухсан çын килсĕр пурăнаймасть тесе шухăшлама хăнăхнă. Вăл хăш-пĕр чухне кăна унта та кунта тухать, çул çÿресех каймасть, самолетпа нихăçан та вĕçмест темелле. Хаклă пулнипе кăна мар, «тухтăрсем хушмаççĕ».
Елчĕк тăрăхĕнче пурăнакан хĕрарăмсем мĕн авалтан тĕрĕ ăсти пулнипе палăрнă. Халĕ те: «Тĕрĕ модăран тухнă, çамрăксем унпа интересленмеççĕ»,- теме çук. Пачах хирĕçле - тĕрĕ тĕрлесси çулсерен аталанса, паянхи пурнăç сĕмне илсе пырать.
Сăмахран: халĕ хĕресле те, тултарса та, вĕтĕ шăрçапа та, тĕрлĕ хăюпа та тĕрлеççĕ. Ĕçсене вара картинăсем пек туса стенасем çине меллештереççĕ.
Чăвашла верси
Русская версия
