Archive - 31 Çу, 2016

Питĕ хăвăрт иртсе кайрĕ Шупашкарта сахал йышлă халăхсен кинематографне халалланă Пĕтĕм тĕнчери кинофестиваль. Ултă кун тыткăнларĕ вăл Чăваш Ен тĕп хулинче пурăнакансене. Мероприятисем çавăн пекех Çĕмĕрлере, Куславккара, Вăрмарта та иртрĕç.

Кăçалхи кăрлач-ака уйăхĕсенче республикăра промышленноç производствин индексĕ 114% танлашнă. «Ку — «Трактор завочĕсем» концерн предприятийĕсем йĕркеллĕ ĕçлейменнине пăхмасăр. Пурпĕр промышленноç ĕçĕ ÿсĕмлĕ», — кăмăллăн палăртрĕ ĕнер ЧР Пуçлăхĕ Михаил Игнатьев ĕç тăвакан влаç органĕсен тата хуласемпе районсен ертÿçисемпе тунтикунсерен ирттерекен канашлăва уçнă май.

Икĕ утăм малалла, пĕрре — каялла

Михаил Игнатьев çу уйăхĕн 27-мĕшĕнче строительство организацийĕсен ертÿçисемпе канашлу ирттернĕ.

«Август» фирма АХОн тата Вăрнарти хутăш препаратсен завочĕн производство тĕп базин аталану малашлăхĕн ыйтăвĕсене Чăваш Ен Пуçлăхĕ Михаил Игнатьев тата «Август» фирма АХО генеральнăй директорĕ Александр Усков çу уйăхĕн 27-мĕшĕнче сÿтсе явнă.

Çĕнĕ Шупашкарсем Химиксен кунне яланхиллех анлăн уявларĕç. Савăнăçлă мероприяти «Химик» культура керменĕнче иртрĕ. «Химпромра» ĕçлекенсене Чăваш Республикин Пуçлăхĕ Михаил Игнатьев саламларĕ.

Крымра /Ялта хулинче/ «Единая Россия» партин «Çынсен сывлăхĕ — Раççейĕн ăнăçлă аталанăвĕн никĕсĕ» ятпа программа форумĕ иртнĕ.

Республикăра юлашки кунсенче пĕчĕк ачасемпе çыхăннă инкексем çине-çинех пулни чăннипех пăшăрхантарать. Шкулсенче каникул пуçланнă май паян ачасем тĕлĕшпе сыхлăха пушшех çирĕплетмелли куçкĕрет.

Сывлăх сыхлавĕн министрĕ Алла Самойлова ĕнер журналистсемпе ятарласа курнăçнă май пĕчĕк ачасем чÿречерен ÿкнĕ тĕслĕхсем пирки пăшăрханса каласа пачĕ. Канашра 10 уйăхри ача чÿречерен ÿкнĕ — вилмеллех суранланнă. Тепĕр тĕслĕх Йĕпреç районĕнче пулнă — икĕ çул çурăри ача чÿречерен ÿкнĕ. Ăна, вăйлах аманнăскере, çăлса хăварма май килнĕ.

Чăваш Республикин Пуçлăхĕ Михаил Игнатьев право йĕркелĕхĕн ыйтăвĕсемпе координаци канашлăвĕ ирттернĕ.

Михаил Игнатьев Правительство çуртĕнче республика Пуçлăхĕ çумĕнчи чи малтан пурнăçа кĕртмелли наци проекчĕсен канашĕн ларăвне ирттерчĕ.