Archive - Раштав 2016

"Раççей чăваш пики" конкурсăн сумĕ çуллен ÿссе пырать. Кăçал 31 пике хăйĕн юрлас-ташлас пултарулăхĕпе, ĕçченлĕхĕпе, тавракурăмĕпе, юнпа тата чунпа чăваш пулнипе жюри членĕсене, куракансене тыткăнлама тăрăшрĕ. Мурманск, Тюмень, Муравленко, Сургут, Самар, Октябрьски хулисенче, Крым, Пушкăрт, Тутар республикисенче, Чĕмпĕр облаçĕнче пурăнакан чиперккесем инçе çула кĕскетсе пирĕн тăрăха çитнĕ. Ыттисем — Чăваш Енре пурăнакансем. Сцена çинчи хитре тумланнă яштака пÿллĕ хĕрсенчен чи тивĕçлине суйласа илме çăмăл марри паллă. Вĕсен, хăнăхнă йăлапа, пилĕк конкурс витĕр тухмалла.

«Ăста епле, ĕçĕ те çапла» тенĕ ваттисем. 65 çул каялла Атăльялта карçинкка çыхакансен артелĕ пурччĕ. Евгения Яранцева, Валентина Портнова, Анастасия Яранцева, Вера Антонова, Олимпия Виноградова, Раиса Андреева вăй хуратчĕç унта. Шел те, иккĕшĕ çеç пурăнаççĕ паян: Олимпия Виноградовăпа Раиса Андреева. Артель çурчĕ те çук.

Чÿк уйăхĕн 29-мĕшĕнче Шупашкар хула депутачĕсен пухăвĕн 13-мĕш черетсĕр ларăвĕ иртнĕ. Ăна хула пуçлăхĕн тивĕçĕсене пурнăçлакан Ирина Клементьева ертсе пынă.

ЧР Пуçлăхĕ Михаил Игнатьев юнкун Мускавра патшалăх корпорацийĕн — пурăнмалли çурт-йĕрпе коммуналлă хуçалăха реформăлама пулăшакан фонд гендиректорĕпе — правлени председателĕпе Константин Цицинпа курнăçнă. Тĕлпулăва çавăн пекех Чăваш Енĕн строительство министрĕ Владимир Михайлов хутшăннă.

Чÿк уйăхĕн 20-мĕшĕнче Раççейре иккĕмĕш хутчен географи диктанчĕ иртрĕ. Анлă акцие çĕршывăмăрăн 85 регионĕ хутшăнчĕ. Аслă тата вăтам шкулсенче, вулавăшсенче, наука институчĕсенче тата ытти тĕрлĕ центрта пурĕ 1700 лапам йĕркелерĕç. Географи диктанчĕ пĕрремĕш хут пĕлтĕрхи чÿк уйăхĕнче иртрĕ. Халăх хушшинче кунашкал тĕрĕслев йĕркелессине Раççей географи обществи сĕннĕччĕ. Ку пуçарăва РФ Президенчĕ Владимир Путин та ырласа йышăннă.

Раççей Президенчĕ Владимир Путин ĕнер Кремль керменĕн Георгий залĕнче хăйĕн Федераци Пухăвне янă çулленхи Çырăвĕпе паллаштарчĕ. Раççейĕн çĕнĕ историйĕнче çакă — 13-мĕш Çыру. Ăна итлеме Федераци Канашĕн членĕсем, Патшалăх Думин депутачĕсем, çĕршывăн ĕç тăвакан влаç органĕсен ертÿçисем, кĕпĕрнаттăрсем, общество ĕçченĕсем, массăллă информаци хатĕрĕсен представителĕсем пухăннă. Пĕр сехет те вунă минута тăсăлнă сăмахĕнче Президент çĕршывăн шалти тата тулашри политикин ыйтăвĕсене тишкерчĕ, социаллă пурнăçпа экономика лару-тăрăвне хакларĕ, умри тĕллевсене палăртрĕ.

Вулакана Çырăвăн чи пĕлтерĕшлĕ сыпăкĕсемпе кĕскен паллаштаратпăр.

Иртнĕ эрнере пирĕн республикăна Мускаври патшалăх медицинăпа стоматологи университетчĕн диплом хыççăнхи вĕренÿ факультечĕн репродуктивлă медицинăпа хирурги кафедрин заведующийĕ, Раççей Сывлăх сыхлав министерствин акушерствăпа гинекологин штатра тăман специалисчĕ, Раççей наукăсен академийĕн академикĕ Лейла Адамян хăйĕн ĕçтешĕсемпе килсе çитрĕ. Унăн ыркăмăллăх фончĕн "Уçă университет" проекчĕпе килĕшÿллĕн иртекен "Хĕрарăм сывлăхĕ: çие юлнинчен пуçласа ватлăх таран" ăслăлăх-практика конференцийĕнче сывлăх сыхлавçисем паянхи чи пĕлтерĕшлĕ ыйтусем тавра калаçрĕç. Çак тĕлпулăва Чăваш Енри хĕрарăмсен союзĕ пулăшнипе йĕркеленĕ.

Ку ĕçе республика Пуçлăхĕпе Михаил Игнатьевпа унăн мăшăрĕ Лариса Юрьевна хутшăнчĕç.

Кукамай патне хăнана çÿреме юрататтăм. Вăл, вăрçă вăхăтĕнче çитĕннĕскер, укçине хытă тытатчĕ. Çапах пирĕншĕн, мăнукĕсемшĕн, юлашки тенкине кăларса пама хатĕрччĕ. Ăна тÿрех лавккана çавăтса каяттăмăр. Вăл пире канфет-пĕремĕк, ручка-кăранташ, çи-пуç илсе паратчĕ. Лайăхчĕ унăн ытамĕнче. Çакăнтах Олегпа паллашрăм. Клубра утăм тума памастчĕ вăл мана. Киле пĕрле таврăннă чухне те сăмах сыпăнман пирĕн. Килĕшмен çынпа мĕн сÿтсе явăн? Вĕçкĕнсене ачаранах чăтма пултараймастăп. Тата хамран çÿллĕрех каччăсенчен те пăрăнса иртес килет. Олег вара лутра та типшĕм кĕлеткеллĕ.