Çĕнтерÿ

Дормаген хулинче тĕрлĕ ушкăнри хĕр-хĕрарăм хушшинче ирĕклĕ майпа кĕрешессипе Гран-при турнирĕ иртнĕ.

2000-2002 çулсенче çуралнă кадеткăсен хушшинче Шупашкарти Олимп резервĕсен В. Краснов ячĕллĕ училищин тата республикăри Олимп резервĕсен 5-мĕш спорт шкулĕн вĕренекенĕсем Екатерина Михайловăпа /46 килограма çитичченхи виçе категорире/ Алена Тимофеева /70 кг/ ылтăн медальсем çĕнсе илнĕ.

Авăн уйăхĕн пуçламăшĕнче Грецире тĕнчере мала тухассишĕн ăмăрту иртет.

Шупашкар районĕнчи Урай Макаç ялĕнчи «Астăвăм» мемориал комплексне пыракансем малашне Астăвăм аллейи мĕнле ешернине курма, вăхăт иртнĕçемĕн вара унта ÿсекен чăрăш, туя, жасмин тата сирень айĕнче уçăлса çÿреме пултарĕç.

"Раççей чăваш пики" конкурсăн сумĕ çуллен ÿссе пырать. Кăçал 31 пике хăйĕн юрлас-ташлас пултарулăхĕпе, ĕçченлĕхĕпе, тавракурăмĕпе, юнпа тата чунпа чăваш пулнипе жюри членĕсене, куракансене тыткăнлама тăрăшрĕ. Мурманск, Тюмень, Муравленко, Сургут, Самар, Октябрьски хулисенче, Крым, Пушкăрт, Тутар республикисенче, Чĕмпĕр облаçĕнче пурăнакан чиперккесем инçе çула кĕскетсе пирĕн тăрăха çитнĕ. Ыттисем — Чăваш Енре пурăнакансем. Сцена çинчи хитре тумланнă яштака пÿллĕ хĕрсенчен чи тивĕçлине суйласа илме çăмăл марри паллă. Вĕсен, хăнăхнă йăлапа, пилĕк конкурс витĕр тухмалла.

Беларусь Республикинчи «Зубренок» сывлăха çирĕплетмелли ача-пăча лагерĕнче XVIII çамрăк çăлавçăсемпе пожарнăйсен слетне Шупашкарти 37-мĕш шкулта улттăмĕш класра вĕренекен Яна Чернова, 2-мĕш гимназире çиччĕмĕш класра ăс пухакан Илья Бариновпа Катя Потапова та кайма тивĕçрĕç.

Subscribe to Çĕнтерÿ