Archive - 9 Раштав, 2016

9 Раштав, 2016

«Хыпар» 193-194 (27103-27104) №, 9.12.2016

9 Раштав, 2016

Михаил БАБИЧ: Çирĕп аталанас тесен кÿршĕсенчен ырра вĕренмелле

Раççей Президенчĕн федерацин Атăлçи тăрăхĕнчи полномочиллĕ представителĕ Михаил Бабич раштав уйăхĕн 6-мĕшĕнче Чулхулари Президент залĕнче округри массăллă информаци хатĕрĕсен журналисчĕсемпе тĕл пулчĕ. Çулталăкра тунă ĕçсене пĕтĕмлетрĕ, унсăр пуçне телекурав, радио хыпарлав, пичет кăларăмĕсен ертÿçисемпе заместителĕсен 40 ытла ыйтăвне тĕплĕн хуравларĕ. Ыйтусенчен чылайăшĕ Атăлçи округĕнчи регионсен экономикăри лару-тăрăвĕпе, социаллă пурнăç аталанăвĕпе çыхăннă. Çавăн пекех вăл автомобиль промышленноçне патшалăх мĕнле тĕрев пани, 2018 çулта Раççейре футбол енĕпе иртекен тĕнче чемпионатне епле хатĕрленни, инвестици климатне лайăхлатас тĕллевпе мĕн-мĕн туни пирки каласа кăтартрĕ. Хăшпĕр самант çинче тĕплĕнрех чарăнса тăрар-ха.

9 Раштав, 2016

Иккĕмĕш агрокласс уçăлчĕ

Чăваш патшалăх ял хуçалăх академийĕ раштавăн 6-мĕшĕнче Шупашкар районĕнчи Янăш шкулĕнче иккĕмĕш агрокласс уçрĕ.

Унта Янăшпа Кăшавăш шкулĕсенче вăтам пĕлÿ илекен 26 ача математика, физика, хими, биологи, инженери енĕпе тарăнрах пĕлÿ илĕ. Уяв ирттерсе агрокласа уçма ЧР вĕрентÿпе çамрăксен политикин министрĕ Юрий Исаев, ял хуçалăх министрĕн заместителĕ Владимир Доброхотов, ЧПЯХА ректорĕпе проректорĕ Андрей Макушев тата Людмила Корнилова, Ольга Каюкова декан, район администрацийĕн ял хуçалăх пайĕн ертÿçи Сергей Ванюшкин хутшăнчĕç.

9 Раштав, 2016

Информаци технологийĕсем – патшалăх тата бизнес валли

Шупашкарта регионсен хушшинчи «IT-Link» форум виççĕмĕш хут иртрĕ. Мероприятие «Инфолинк» компани Чăваш Республикин Информаци политикин тата массăллă коммуникацисен министерстви пулăшнипе йĕркеленĕ. Тĕлпулура информаци технологийĕсен тытăмĕнче патшалăх тата бизнес пĕрле ĕçлессипе, ăнăçлă IT-пуçарусемпе çĕнĕ экономика лару-тăрăвĕнче усă курассипе çыхăннă ыйтусене сÿтсе яврĕç.

9 Раштав, 2016

Экологи тĕлĕшĕнчен чи хăрушсăрри

Чăваш Енри йăлари хытă каяшсен /ТБО/ полигонĕ — çĕршыври чи лайăххисенчен пĕри. Çакăн пирки патшалăх корпорацийĕн — пурăнмалли çурт-йĕрпе коммуналлă хуçалăха реформăлама пулăшакан фондăн генеральнăй директорĕ — правлени председателĕ Константин Цицин Чăваш Ен Пуçлăхĕпе Михаил Игнатьевпа тĕл пулнă чухне каланине вулакансене пĕлтернĕччĕ.

9 Раштав, 2016

Чĕрчунсем пулăшу кĕтеççĕ

Юпа уйăхĕн вĕçĕнче тĕп хулари хуçасăр чĕрчунсен ыйтăвĕпе "çавра сĕтел" иртнĕччĕ. Ун чухне чĕрчунсене сыхлакан организацисен представителĕсем хула урамĕсенче çÿрекен хуçасăр йытă-кушака тытас, вĕсене тĕрлĕ чир-чĕртен сиплес, вунă кунран кая мар юлмасăр ырă çынсен аллине парас тĕлĕшпе ĕçлеме хатĕррине пĕлтернĕччĕ. Халĕ акă депутатсен ушкăнĕ çавнашкал чĕрчунсене вăхăтлăх усракан пункт ĕçĕ-хĕлĕпе паллашрĕ. Делегацие Шупашкар хула пуçлăхĕ Ирина Клементьева ертсе пычĕ.

9 Раштав, 2016

Президент пĕлтерĕшлĕ ыйтусем çĕклерĕ

«Единая Россия» партин Чăваш регион уйрăмĕн секретарĕ Николай Малов тата партин Шупашкар хула уйрăмĕн ертÿçи, хула пуçлăхĕ Ирина Клементьева сĕннипе Шупашкар хула пухăвĕнчи «Единая Россия» фракцин депутачĕсем Раççей Президенчĕн Владимир Путинăн Федераци Пухăвне янă Çырăвне пĕрле итлесе сÿтсе яврĕç.

9 Раштав, 2016

Кино тивĕçĕ - халăха хăйне ăнланса илме пулăшасси

«Хыпар» тусĕсене паян Патăрьел районĕнчи Чăваш Ишекĕнче çуралса ÿснĕ Владимир Карсаков режиссерпа паллаштарасшăн. Унăн шухăшлавĕ хăйнеевĕрлĕ, кăсăклă. Пирĕн калаçу ытларах чăваш киновĕ тавра пычĕ.

9 Раштав, 2016

Янăрать кăна виçĕ хутлă шкул

Раççейри чи лайăх 500 шкул тата чи лайăх 200 ял шкулĕн списокне кăçал республикăри пĕтĕмĕшле пĕлÿ паракан 16 учреждени кĕнĕ. Вĕсенчен пĕри списоксенчен иккĕшĕнче те пур: Вăрмарти Г.Е.Егоров ячĕллĕ вăтам шкул. ТОП-200 йышĕнче вăл пĕрремĕш хут кăна мар. Вăрмарсен çитĕнÿ вăрттăнлăхĕ мĕнре пытаннă? Çакна пĕлес тĕллевпе асăннă пĕлÿ çуртне çитсе унти лару-тăрупа паллашрăмăр.

9 Раштав, 2016

Чи пултаруллисене — сертификат

Чăваш наци конгресĕ тата ЧР Вĕренÿпе çамрăксен политикин министерстви йĕркеленĕ «Чăвашлăха аталантаракан чи лайăх шкул» конкурс пĕтĕмлетĕвĕ чÿк уйăхĕн 24-мĕшĕнче Шупашкарти 10-мĕш шкулта иртрĕ.

Pages