Archive - 6 Раштав, 2016

Хальхи вăхăтра Чăваш Енре икĕ следстви изоляторĕ /1601 çулта хута янă СИЗО-1 тата 1809 çулта уçнă СИЗО-2/ тата изолятор тĕллевĕллĕ тăватă обČект ĕçлеççĕ. Федерацин «Раççей Федерацийĕн уголовлă айăплав системине 2007-2016 çулсенче аталантарасси» тĕллевлĕ программипе килĕшÿллĕн Шупашкарта 2012 çулта çĕнĕ изолятор строительствине пуçарнă. СИЗО-3 Европа стандарчĕсене тивĕçтерекен учреждени пулать.

Кăçалхи бюджета тÿрлетрĕç, çитес çулхисене ырларĕç

Кабель продукцин экспертизине пуçарасшăн

Çыру никĕсĕнче - экономикăпа социаллă политика темисем

Çырăва хаклаççĕ

Паянхи çамрăксем акăлчан тата китай чĕлхисене вĕренесшĕн

Мускав чăвашĕсен элчи

Пысăк çăлтăрсемлĕ пысăк фестиваль

Патшалăх Канашĕн черетлĕ виççĕмĕш сесси уçăлнă кун, чÿк уйăхĕн 22-мĕшĕнче, парламентарисем çирĕм ыйтăва тишкернĕччĕ, ĕнер сесси малалла ĕçлерĕ — депутатсем тата икĕ теçетке ыйтăва пăхса тухрĕç. Апла пулин те кун йĕркинче бюджетпа çыхăннă ыйтусем тĕп вырăнта пулчĕç тейĕттĕм — Патшалăх Канашĕ республикăн çитес виçĕ çуллăх бюджечĕ тата кăçалхи бюджета улшăнусем кĕртесси çинчен калакан саккунсен проекчĕсене пăхса тухса ырларĕ.

Чăваш Ен Пуçлăхĕ Михаил Игнатьев промышленноç продукцийĕн саккунсăр çаврăнăшне хирĕç тăракан комисси ларăвне ирттерчĕ. Пахалăхсăр кабель продукцине сутассине чармалли мерăсене палăртасси — канашлăвăн тĕп ыйтăвĕ пулса тăчĕ.

 Раштавăн 1-мĕшĕнче Чăваш Ен Пуçлăхĕ Михаил Игнатьев РФ Президенчĕ Владимир Путин Федераци Пухăвне янă Çырупа паллаштарнипе çыхăннă церемоние хутшăннă. Унта çавăн пекех Федераци Канашĕн Аграрипе апат-çимĕç политики тата çут çанталăк ресурсĕсемпе усă курас енĕпе ĕçлекен комитечĕн членĕ Вадим Николаев, ЧР Патшалăх Канашĕн Председателĕ Валерий Филимонов, ЧР Общество палатин председателĕ Алексей Судленков, çавăн пекех РФ Патшалăх Думин депутачĕсем пулнă.

Вероника СКВОРЦОВА, РФ сывлăх сыхлавĕн министрĕ:

— Çырура палăртнă кăтартусем регионсенче медицина аталаннине çирĕплетеççĕ. Тĕслĕхрен, Чăваш Енре — çĕршыври ача çуратма пулăшакан чи лайăх службăсенчен пĕри. Юлашки çулсенче республикăра ачасен тата çитĕннисен медицини аван аталанать, кунта пысăк технологиллĕ ме-дицина пулăшăвĕ енĕпе çĕршывра чи лайăх практикăсенчен пĕри. Чи кирли, çакна Президент Çырура та палăртрĕ, отрасле малалла укçа хывасси, ăна аталантарасси.

Стена çине плакат çыпăçтарнипех кабинет пулмасть

Хĕр тусăм хулари шкулта чăваш чĕлхипе литературине вĕрентет. Ĕçне кăмăллать-ха вăл, шалу пĕчĕк пулнишĕн те питех кулянмасть. Çак кусенче ăна хăйĕн хĕрĕ тăван чĕлхепе тăван ен культурине вĕренесшĕн пулманни шухăша янă. Тĕпренчĕкĕ чăваш чĕлхи вĕреннине вăхăта сая яни тесе йышăнать-мĕн. Ун вырăнне акăлчан чĕлхине ăса хывасшăн. Çак предметпа шкулта «5» паллăсемпе кăна ĕлкĕрсе пырать пулин те амăшне репетитор тытма ÿкĕте кĕртнĕ. «Пĕлетĕп: манăн пите хĕретмĕ вăл. Чăваш чĕлхипе те, тăван ен культурипе те «5» паллăсемех пулĕç. Анчах вăл вĕсене юратса вĕренменни, хăй чăваш пулнипе мăнаçланманни шутсăр пăшăрхантарать. Хĕрĕм акăлчан чĕлхине кăна мар, китай чĕлхине те ăса хывма, ют çĕршывсене кайса курса çÿреме ĕмĕтленет. «Чăваш чĕлхине лайăх пĕлнипе пысăк шалу илейместĕн», — тет. Мĕнех калайăн ăна хирĕçлесе?» — çапла каласа чăннипех тĕлĕнтерчĕ хĕр тусăм.

Тĕп хуламăрта иртекен чăвашсен кашни уявĕнче сцена çинче курма хăнăхнă ăна ентешсем. Ăслă-тăнлă, сăмаха виçсе, чĕрене тивмелле калаçаканскер çине пăхса чунра мăнаçлăх туйăмĕ çуралать: пур-çке ентешĕмĕрсен хушшинче чăннипех те мăнаçланмалли чăвашсем.

Максим Михайлов ячĕллĕ Пĕтĕм тĕнчери опера фестивалĕ кăçалхипе 26-мĕш хут иртрĕ. Вăл, малтанхи çулсенчи пекех, музыка уявĕ пулса тăчĕ. Хальхинче те Чăваш Енре республикăри, Раççейри, ют çĕршывсенчи юрăçсем тĕл пулчĕç.