Archive - Раштав 2016

Сывлăха упрама хăнăхтарас, тивĕçлĕ сиплес тĕлĕшпе нумай тăрăшать

ТЕХĔМЛĔХ КĂНА МАР

ШАЛЧА ПĂРÇИ: ШУРРИ ТАТА ХĔРЛИ

ПĂТĂ ВĂЙ КĔРТЕТ

КАШНИ ӲСĔМРЕ - ХĂЙНЕ ЕВĔР

КУРĂК МĔНШĔН СИМĔС?

ВИТАМИН ÇИТМЕСТ

КАВĂН ĂНСА ПУЛЧĔ-И?

Шупашкар хулин 1-мĕш клиника больницинче сиплевре пысăк опыт пухнă специалист чылай. Çак йышра пĕтĕмĕшле практика врачне /çемье тухтăрне/ Людмила Константиновăна та палăртмалла.

Хĕрен тымарĕпе ытларах апата техĕмлĕ тутă кĕртме усă кураççĕ. Çав вăхăтрах вăл килти сиплевре те витĕмлĕ. Унăн тымарĕ аппетита уçать, апат ирĕлессине, юн çаврăнăшне лайăхлатать, манкана çемçелсе тухма, тĕрлĕ сăлтава пула ыратнине лăплантарма пулăшать.

Шалча пăрçинчи /фасоль/ тимĕр эритроцитсем йĕркеленессине, клеткăсем патне кислород пырса тăрассине лайăхлатать, организм тĕрлĕ инфекцие хирĕç тăрассине вăйлатать. Кӳкĕрт пыршăлăх инфекцийĕсенчен, ревматизмран, ӳт чирĕсенчен, бронх чирĕсенчен хăвăртрах сывалма пулăшать.

Шурă шалча пăрçинче пĕр-пĕрне пулăшакан, шăмăшăн, шăлшăн, чĕрнешĕн усăллă кальципе магни пур.

Анчах вăл колитпа, панкреатитпа, холециститпа, нефритпа чирлекен çынсене юрамасть.

Пăтă лайăх тăрантать, вăй, энерги хушать. Кĕрпесенчен хăшне суйласа илесси сирĕнтен килет. Усăллă япаласем кашнинчех пур. Çавăн пекех — сиенлĕ енĕсем те. Чи усăллисем çинчен тĕплĕнрех каласа паратпăр.

1. Хуратул кĕрпи

Вăл белок тата усăллă япаласен виçипе чемпион шутланать, калори питĕ сахаллипе палăрса тăрать. Унра тимĕр, кали, магни нумай. Çак микроэлементсем чĕре ĕçĕшĕн пĕлтерĕшлĕ, ыйхă вĕçнипе аптракансене, начарланма ĕмĕтленекенсене кирлĕ. Гликеми индексĕ питĕ пĕчĕккине пула хуратул сахăр диабечĕпе чирлĕ çынсемшĕн те лайăх.

"Мĕншĕн çумăр çăвать? Чĕрĕпе йĕпписем мĕн тума кирлĕ?" Тĕпренчĕкĕсем пĕчĕк чухне ашшĕ-амăшне çакăн евĕр ыйтусемпе аптратсах çитереççĕ. Мĕнле хуравласан лайăхрах-ха?

Пĕчĕк ачасенчен кашниех тĕнчепе паллашать, тавракурăмне ÿстерет, хăй тĕллĕн шухăшлама вĕренет, ыттисемпе хутшăнма хăнăхать. Ку унăн аталанăвĕшĕн уйрăмах пĕлтерĕшлĕ. Ачан темĕн тĕрлĕ ыйту та сиксе тухать. Ашшĕ-амăшĕн вĕсемпе питĕ тимлĕ пулмалла, кашни ыйтăвнех хуравлама ÿркенмелле мар. Тĕнчене ăнланса пыма ăна сирĕн пулăшу кирлĕ.

Мĕн темелле?

Хĕлле организма пулăшмаллах. Ирхи апата витамин коктейлĕ хатĕрлемелле. Вăл вăй кĕртет.

Улма-çырларан. 1 лимон сĕткенне 1 стакан сивĕ шывпа хутăштармалла. 1 чей кашăкĕ пыл хушмалла. Ирхи апат вырăнне ĕçмелле.

Пахча çимĕçрен. 200 грамм тĕрлĕ пахча çимĕçе вакламалла, çур литр шыва ярса çемçеличчен пĕçермелле. Унтан сăрăхтармалла, сивĕнсен кĕленчесене ямалла, холодильнике лартмалла. Кашни ир 1-ер стакан ĕçмелле. Кăмăл пулсан тăвар тата хĕрлĕ пăрăç хушма юрать.

Кавăн — тĕлĕнмелле çимĕç. Вăл тутлă кăна мар, тĕрлĕ чирпе кĕрешме те пулăшать. Темиçе рецептпа паллаштаратпăр.

Невроз, стресс, ыйхă вĕçни

Вăтам кавăнăн тăваттăмĕш пайне тата шултра икĕ кишĕре вĕтетмелле. 1 литр шыва ямалла, савăта хупăлчапа витсе вăйсăр çулăм çине пĕр сехете лартмалла. Унтан шывĕпе пĕрлех тÿмелле. Сивĕнсен çур стакан пыл, лимон сĕткенĕ хушмалла. Нимĕр ытла çăра пулсан вĕренĕ шыв кăштах яма юрать. Çĕрлене хирĕç 1-ер стакан пĕр уйăх ĕçмелле. Холодильникре упрамалла.