Archive - 10 Пуш, 2016 - Çамрăксен хаçачĕ

Путене усраса тупăш тăвать

Çемçе пукана мар, хăйсен ĕçне юратаççĕ

«Ял çынни фермăра ĕçлеме ÿркенет»

Документсем йĕркеллĕ маррипе Канадăра йышăнман

«Çитĕнекен ăру хура тарпа хĕрлĕ юн ан куртăр»

Фильм ÿкерсе ял халăхне чапа кăларасшăн

Мĕн çуралнăранпах - театрта

Хăйне çăлас темен этеме ыттисем пулăшайĕç-ши?

«Çамрăксен хаçачĕн» йĕкĕчĕ

Ял çынни ахаль ларма хăнăхман. Унăн аллинче яланах ĕç вĕрет. Акă çур аки пуçлансан хире тухма вăхăт çитет. Патăрьел районĕнчи Нăрваш Шăхаль ялĕнчи «Труд» колхозра тăрăшакан 25 çулти Дмитрий Лукс та трактор рулĕ умне ларса уя тухма хатĕрленет.

Пуш уйăхĕн 8-мĕшĕ - Пĕтĕм тĕнчери хĕрарăмсен кунĕ. Иртен пуçласа каçчен илемлĕ курăнма тăрăшакансем, кил ăшшине упракансем, çемьене «çĕнĕ кайăк» илсе килекенсем, тĕнчене ăшăлăхпа тата юратупа тултаракансем хăйсен уявне паллă турĕç. Хĕрарăм пурнăç тыткăчи тесен те йăнăш мар. Çемьешĕн тăрăшаканскерсем кил-тĕрĕшри ĕçсене те туса ĕлкĕреççĕ, хăйсене те тĕрлĕ профессире тĕрĕслеççĕ. Çунакан çурта кĕме те, ĕрĕхсе чупакан лашана чарма та пултараççĕ вĕсем. Çутçанталăкăн черчен пайне ертÿçĕ пуканне те шанса параççĕ. Республикăри çамрăк ертÿçĕ хĕрарăмсемпе çыхăнтăмăр.

«Икĕ çын - мăшăр, çичĕ çын - çемье», - тенĕ ваттисем. Çурт ача-пăча сассипе тулнине нимĕн те çитмест. Пĕчĕкскерсем тăпăл-тăпăл чупса çÿресе савăнтараççĕ. Ашшĕ-амăшĕн ăшшинче ÿснĕскерсен вăхăт иртсен тăван килпе сывпуллашма тивет. Етĕрне районĕнчи Анат Мучарти Андреевсен аслă ачисем çемье çавăрнă ĕнтĕ.

Етĕрне районĕнчи Урпаш шкулĕнче 7-мĕш класра вĕренекен Ксения Максимова шăпи чылай çынна кăсăклантарать. Вулакансем ыйтнипе хĕрачан тăванĕсемпе тепĕр хут çыхăнтăмăр. Аса илтеретпĕр: кăрлачăн 16-мĕшĕнче районта йĕлтĕрпе чупассипе иртнĕ ăмăрту хыççăн хăйне япăх туйсан 13-ри хĕрачана больницăна илсе кайнă.

Иртнĕ кунсенче Куславкка районне çула тухрăмăр. Еплерех сывлаççĕ кунти ентешсем? Куснар тăрăхĕнчи ĕçчен халăх ураран ура иртми пулсан кăна саппунне салтать, ирхине Атăл шывне савса тухакан, шевлисене çак ял çыннисене хĕрхенмесĕр парнелекен хĕвелпе пĕрле вăранать.

«Чăваш Ен» телерадиокомпанийĕн кăларăмĕсене эфира кăларас тĕлĕшпе чылай çын тăрăшать. Çав ĕçре режиссер пульчĕ умĕнче ларакан Николай Семенов тÿпи те пысăк. Хăй вăл кадр хыçĕнче юлать, анчах унăн ĕçне кура çынсем кунсеренех çĕнĕ хыпарпа паллашаççĕ.

Редакцие Шупашкарти Б.Хмельницкий урамĕнчи 72-мĕш çуртра пурăнакан Людмила Самаркина шăнкăравларĕ. «Пирĕн общежитири яш инвалида çаврăнчĕ. Пĕлтĕр çын валли çăка чечекĕ татма йывăç çине хăпарсан ÿкрĕ те çурăм шăммине хуçрĕ. Халĕ вырăнпах выртать вăл. Япăх условире пурăнаканскере çав тери шеллетĕп.