Çыравçă ялĕнче хăнара

20 Юпа, 2016

Телейлĕ çамрăклăх поэчĕ

“Телейлĕ çамрăклăх çыравçи”, — тенĕ унăн пултарулăхне тишкерсе М.Плотникова. Сăмахăм ачасене вун-вун сăвă-хайлав парнеленĕ, ентешĕсене тăван тăрăхне савса нумай произведенипе савăнтарнă Анатолий Тимофеев-Ыхра çыравçă пирки.

16 Çĕртме, 2016

“Нумай-и пурăнайĕ пирĕн ят?”

“Сывлăшри кĕпер”, “Кашнин хăйĕн ĕмĕрĕ”, “Çырла пиçнĕ вăхăтра”, “Туссемпе калаçни” тата ытти кĕнеке авторĕ Александр АСЛУТ кун çути курнă тăрăхра хăнара пулнă май ентешĕсемпе курса калаçма май килчĕ.

31 Пуш, 2016

Тамăкри пек асаплансан та хуçăлман

«Петĕр патша валли карап тумалли йывăç хатĕрлекен патвар чăвашсене лашман тенĕ. Эпĕ çавсем пек пулма шухăшлаттăм. Тăван халăх валли ырă нумай ĕç тăвас килетчĕ», — тенĕ Степан ЛАШМАН çыравçă хăйĕн асаилĕвĕнче.

10 Пуш, 2016

«Çитĕнекен ăру хура тарпа хĕрлĕ юн ан куртăр»

Иртнĕ кунсенче Куславкка районне çула тухрăмăр. Еплерех сывлаççĕ кунти ентешсем? Куснар тăрăхĕнчи ĕçчен халăх ураран ура иртми пулсан кăна саппунне салтать, ирхине Атăл шывне савса тухакан, шевлисене çак ял çыннисене хĕрхенмесĕр парнелекен хĕвелпе пĕрле вăранать.

4 Нарăс, 2016

Кĕçтук Кольцов сăмахĕсем - Карелири гранит çинче

«...Юлашки вăхăтра кашни каç ялти сăн-сăпатсемпе аташтарать тĕлĕк. Кам пĕлет, тен, эпĕ яла çитсе кураймăп та-ши? Тен, юлашки тĕлĕксем яла кăтартаççĕ-ши?..» - çак йĕркесем Кĕçтук КОЛЬЦОВ поэт пиччĕшĕн ывăлĕ Аркадий Кольцов патне вăрçă хирĕнчен янă çыруран. Аркадий Павлович сăмах ăстин кашни çырăвне упранă. Вăл çапăçу хирĕнче шăрçаланă йĕркесене хаçат-журнала ярса тăнă, йывăр вăхăтра чунра кĕвĕленнĕ сăвăсене кун çути кăтартма пулăшнă. Тепĕр çырăвĕнче Кĕçтук Кольцов хăйĕн сăввисене шăллĕне сыхласа хăварма ыйтнă.

Pages