Çамрăксем ялта тĕпленменни чылайăшне канăçсăрлантарать. «Ĕç вырăнĕ çук, шалу пысăк мар», — теççĕ хĕрсемпе каччăсем, çавăнпах пысăк укçа шыраса урăх региона çул тытаççĕ. Анчах ял пурнăçне кăмăллакан çамрăксем çук мар. Хăйсене тĕрлĕ ĕçре тупнă, тăван тăрăхрах тĕпленнĕ яш-кĕрĕмпе хĕр-упраçпа çывăхрах паллашар-ха.
5-6 çул каялла Ехремкассинче пурăнакан Олег Михайлов шăллĕпе Алексейпа пĕрле Мускава шапаша кайнă. Кашнине 45-шер пин тенкĕ шалу тÿлеме шантарнă. Мĕн тĕлĕнмелли пур ĕнтĕ: вĕсене те, чылай çын пекех, шăнман пăр çине лартса янă. Иккĕшне 8-шар пин тенкĕ, çул укçине саплаштармалăх, тыттарса янă.
Чылай çамрăк пысăк шалу шыраса хулана çул тытать. Анчах ялта та укçа ĕçлесе илмешкĕн май пур. Çĕрпÿ районĕнчи Вĕрмерте пурăнакан Александровсем выльăх-чĕрлĕх усраççĕ. Ĕçĕ çăмăл мар пулин те вăл самай тупăш кÿрет.
Çĕмĕрле хулинче пурăнакан Шестаковсен кĕçех 1-мĕш класа каякан кĕçĕн хĕрĕн Машăн хăйне евĕр хаваслă вăйă пур. Хĕрача хĕрлĕ шăлавар тăхăнса кăрккасен картишне кĕрет те çил ачи евĕр чупма тытăнать. Лешсем сасă кăларса ун хыççăн васкаççĕ.
Йĕпреç районĕнчи «Красный партизан» хуçалăхри çамрăксем ĕç çыннин профессине суйланинчен чăннипех те тĕлĕнтĕм. Çĕре юратни, тăван тăрăха хисеплени кашнинчех палăрчĕ. Хăш-пĕр района командировкăна кайсан ял тăрăхĕнче çамрăк пĕр специалист та çукки пирки пĕлтереççĕ.
Чăвашла верси
Русская версия
