Ферма витине юхăнтарман

Чылай çамрăк пысăк шалу шыраса хулана çул тытать. Анчах ялта та укçа ĕçлесе илмешкĕн май пур. Çĕрпÿ районĕнчи Вĕрмерте пурăнакан Александровсем выльăх-чĕрлĕх усраççĕ. Ĕçĕ çăмăл мар пулин те вăл самай тупăш кÿрет.

Натальйăпа Михаил пĕр ялтах çуралса ÿснĕ. Çамрăксен çулĕсем 2004 çулта пĕрлешнĕ, 6 çул каялла вĕсем хут уйăрттарнă. Çемье чăмăртанă хыççăн хулана кайма шухăшламан, ашшĕ-амăшĕпе пĕрле пурăннă. Пурăна киле мăшăр пысăк çурт çĕклеме хевте çитернĕ. Уйрăлса тухсан Александровсем выльăх-чĕрлĕх усрама тытăннă. Халĕ вĕсен — 5 ĕнепе 6 пăру, 2 вăкăр. Вĕсене ферма витинче тытаççĕ. Ăна хăй вăхăтĕнче Михаилăн ашшĕпе амăшĕ туяннă, кайран ывăлĕпе кинне усă курма панă. Вите пахча хыçĕнчех вырнаçнă, унта çÿреме меллĕ. Малалла вулас...