Archive - Утă 2016 - Çамрăксен хаçачĕ

Пултаруллă яш-кĕрĕмпе хĕр-упраçпа паллашнă май вĕсем пур çĕре те ĕлкĕрме вăхăт ăçтан тупни тĕлĕнтерет. Паянхи çамрăксем вĕреннĕ хушăрах ĕçлеççĕ, тĕрлĕ мероприятие хутшăнаççĕ. Чун киленĕçĕ валли вăхăт уйăрма та манмаççĕ.

"Прокуратура" сăмаха илтсенех куç умне суд залĕ, унăн сакки çинчи айăпланакан куç умне тухаççĕ. Анчах прокуратурăн ĕçĕ-хĕлĕ патшалăх айăплавçи пулса уголовлă ĕçпе суда тухасси кăна мар, тĕп тĕллевĕ — Раççей Конституцине пăхăннине тата саккунлăха тĕрĕслесси. Ахальтен мар "прокурор" сăмах латин чĕлхинчен куçарсан "хÿтĕлетĕп", "сăнатăп" тенине пĕлтерет. Саккунсем тăтăшах улшăннă, çĕнĕ полномочисем хушăннă саманара Тăвай районĕн прокуратури тĕрлĕ енпе курăмлă ĕçлет.

К.В.Иванов ячĕллĕ Чăваш патшалăх академи драма театрĕн ĕçченĕ, Чăваш Республикин тава тивĕçлĕ артисчĕ Валерий КАРПОВ тĕрлĕ енлĕн палăрчĕ: вăл театр сцени çинче вун-вун сăнар калăпланисĕр пуçне концертсем ертсе пырать, чăваш юррисене питĕ ăста шăрантарать.

Мăшăр пурнăçран уйрăлсан чылай çын хăйне уйра тăлăх ÿсекен чечекпе танлаштарать ахăртнех. Юратнă çын, ачасен ашшĕ, çемье тĕрекĕ çук чухне хĕрарăмăн пур ĕçе те хăйĕн пурнăçлама тивет. Тепикасси ялĕнче пурăнакан Елена Васильева 4 çул каялла мăшăрне хура тăпрапа хупланă.

Вăрманкас Кĕçтемĕрти шкулта юсав ĕçĕсем пыратчĕç. Часах вĕренÿ çулĕ пуçланĕ, пĕлÿ çурчĕ ачасен хаваслă куллипе тулĕ. Физкультура учителĕ Ксения Прокопьева шкултахчĕ. Яланах ĕç вырăнĕнче пулма хăнăхнăран кунта кану вăхăтĕнче те килнине каларĕ 22 çултискер.

Урамра çулла хуçаланать пулин те Вăрманкас Кĕçтемĕрте пурăнакан Оксана Владимирова куллен кăçатă тытать. Çук, вĕсене тăхăнмасть вăл — йăвалать, илемлетет. Халĕ капăрлатнă çăматă тăхăнасси модăна кĕчĕ. Унашкаллине тăхăнма та кăмăллă. Кăçата тĕрлĕ эрешпе, ÿкерчĕкпе илемлетекен çын нумай мар.

«Çамрăксен хаçачĕн» 25-мĕш номерĕнче «Элек саракансемех пулăшу ыйтма килеççĕ» статьяна хурав парасшăн.

Тăван çĕршывăн Аслă вăрçи вăхăтĕнче юхнă этем куççулĕ тинĕсе те çаврăннă пулĕччĕ... Халĕ те вăл типеймĕччĕ. Акă Элĕк районĕнчи Питĕшкассинчи Раиса Николаевăн иртнĕ вăхăта аса илсе калаçнă май тăршшĕпех куçĕ типмерĕ. "Вăрçă нушине никам та ан куртăр çеç", — çак сăмахсене темиçе хутчен те каларĕ 83-ри ватă.

«Çамрăксен хаçатĕнче» хусахсем пирки час-часах çыраççĕ. Пĕррехинче эпĕ те кÿршĕ Ваçука авлантарас тесе редакцие шăнкăравласшăнччĕ. Тен, çемье çавăрсан ăна ăс кĕрĕ? «Арăмне мĕншĕн манăн тупмалла? Хăй шыратăр. Ăнăçмасан — тупкăчине çупкăчи...», — мĕлтлетрĕ пуçра шухăш, вара редакцие чăрмантармарăм.