Вăрçă ачисем

Тăван çĕршывăмăра хÿтĕлесе вут-çулăма кĕнĕ паттăрсен речĕ чаксах пырать. Чылай ял-салара Çĕнтерÿ кунне кăкăр тулли орден-медальпе кĕтсе илекен фронтовик юлман. Ирĕклĕхе çăлса хăварнисен йышĕ çеç мар, «вăрçă ячисем» ята илтнисен речĕ сайралансах пырать.

Партизан

 Сайра çын пурнăçра хăйне пур енчен те сапăр, ыттисене килĕшмелле тытать. Унашкаллисене хăйсене те юратаççĕ, хисеплеççĕ. Çавăн пек сайра çынсенчен пĕри – манăн мăнакка, Тутарстанри Нурлат районне кĕрекен Якуркел ялĕнче пурăнакан Елизавета Пичушкина /хĕр чухнехи хушамачĕ Ермилова/.

Ефросиния Егорова 82 çулта. Çак ÿсĕме çывхарнисем, аслăраххисем хури-шуррине пайтах курнă. Евруç аппан пурнăçĕ пыл та çу пулайман. Муркаш районĕнчи Орининра çуралса ÿснĕскер çемье çавăрсан та тĕп килтех юлнă. Тăлăх çитĕннĕ вăл. Шел те, качча тухсан та тăлăха юлнă.

Кил хуçи колхоз правленийĕн бухгалтерĕнче ĕçленĕ. Унăн мăшăрĕпе амăшĕ те колхозрах пилĕк авнă. Халăхран уйрăм пулман ку çемье, ыттисемпе тан ĕçленĕ. Фашист пирĕн çĕре тапăнса вăрçă пуçлани пин-пин çемье пурнăçне улăштарнă, аркатнă. 1942 çулта Евруçăн ашшĕне Иван Соловьева çара илнĕ.

Тăван çĕршывăн Аслă вăрçи вăхăтĕнче юхнă этем куççулĕ тинĕсе те çаврăннă пулĕччĕ... Халĕ те вăл типеймĕччĕ. Акă Элĕк районĕнчи Питĕшкассинчи Раиса Николаевăн иртнĕ вăхăта аса илсе калаçнă май тăршшĕпех куçĕ типмерĕ. "Вăрçă нушине никам та ан куртăр çеç", — çак сăмахсене темиçе хутчен те каларĕ 83-ри ватă.

Pages

Subscribe to Вăрçă ачисем