Чуна уçса калаçар

Этеме çут çанталăк ăс-тăн панă. Вăл калаçма, шухăшлама, ĕмĕтленме, юратма, асапланма пултарать. Унăнни пек психика пĕр чĕр чунăн та çук. Психиатрсем этемĕн психикине лайăх ăнланаççĕ, çакăнпа çыхăннă тĕрлĕ чире сиплеççĕ.

Пĕрисемшĕн телей — хаклă кĕрĕк, çăмăл машина, ют çĕршывра канни, теприсемшĕн вара — тăван халăх патне сăвă е калав кĕнекине çитерни. Тăван чĕлхене, культурăна аталантарассишĕн ырми-канми тăрăшакан сăвăçсенчен пĕри — Зоя СЫВЛĂМПИ. 200 ытла юрă сăввисен авторĕ пирĕн тĕпелте чунне уçма килĕшрĕ.