Хам куртăм!

Кирек мĕнле хула та çĕрле тата илемлĕрех курăнать. Туристсем те вăл е ку вырăнпа ахальтен каçхине паллашма васкамаççĕ. Пирĕн юратнă Шупашкар таса та хăтлă. Лайăх çанталăкра хула урамĕсемпе киленсе утмалăх пур, çĕрлехи Шупашкар еплерех-ши? Машинăсен шавĕнчен, çынсенчен пăртак та пулин канать-ши вăл?

Çичĕ çул каялла патшалăхăн пĕрлĕхлĕ экзаменне /ППЭ/ тытни асрах. ППЭ сăмах хăй хăрататчĕ, чĕтрене ертетчĕ. Шкулта вĕрентнине ыйтаççĕ пулин те пăлханнипе çухалса кайма пулать. Нарăсăн 20-мĕшĕнче иртнине аса илсе пĕлĕве тепĕр хут тĕрĕслеме май килчĕ — тĕп хулари 48-мĕш шкулта вырăс чĕлхипе экзамен тытрăм, Чăваш Енре «Ашшĕ-амăшĕ ППЭ тытмалли кун» акцие хутшăнтăм. Унăн тĕллевĕ — ашшĕ-амăшне 11-мĕш класс ачи вырăнĕнче туйма май парасси.

Ирхи ултă сехет çеç-ха. Шупашкарти кăнтăр-хĕвел анăç районĕнчи çуртсен таврашĕнче виçĕ-тăватă çĕрте çынсем пухăннă.

— Эх, ĕнер куç курми пуличчен кÿпсе лартнă, халĕ пуç кунтăк пек, — илтĕнчĕ палланă сасă.

— Ан та кала. Кÿршĕ тивĕçлĕ канăва тухнă ятпа малтан шуррине ĕçрĕмĕр, çитменрен спирт хушрăмăр. Килте диван çине те улăхайман, урайĕнчех çĕр каçнă, — «мухтанчĕ» тепри. — Пĕр пус укçа та юлмарĕ.

Пĕчĕк чухне Шупашкарти автовокзал çывăхĕнчен иртме хăраттăм. Унта чикансем çÿретчĕç, çынна тапăнса укçасăр хăваратчĕç. Халĕ чикансем çук, пĕрех çулăхаççĕ. Камсем? Кăна эсир те пĕлетĕр: Мускава автобуспа лартса яракан кассирсем!

Патăрьел районĕнчи Чăваш Ишекĕ ялĕнче пурăнакан Леонид Антонов темиçе çул ĕнтĕ хăйĕн кил хуçалăхĕнче кашкăрсем усрать.

Pages

Subscribe to Хам куртăм!