Archive - Утă 2016 - Хыпар

Пĕр парта хушшинче ларакан Максимпа Даниил учителе яланах тимлĕ итлеççĕ. Чăваш чĕлхи урокне уйрăмах кăмăллаççĕ вĕсем, ахальтен мар Надежда Валерьяновна вĕрентекен уйрăлми икĕ туса питĕ мухтать.

Украинăри Черкасск облаçĕнчи Бровахи салинче Макар Назаровичпа Евдокия Даниловна Лысенкосен туслă çемйинче тĕрлĕ çулта умлăн-хыçлăн 16 пепке çуралнă: Степанида, Федосий, Петр, Евтух, Иван, Василий, Михаил, Степан, Николай, Павел, Андрей, Александр, Анастасия, Евдоха, Ганна тата Мария.

Алăксем асамлă пулаяççĕ-и-ха? Пĕртте ан иккĕленĕр: паллах, пулаççĕ! Анчах ăçта вырнаçнă-ши вĕсем? Чăваш кĕнеке издательствинче нумай пулмасть пичетленсе тухнă кăларăм çеç уçса парĕ ку вăрттăнлăха.

Нематодaран хaтaлмаллах

Глифосат имçамĕ

Ылтăн хунав

Ал айĕнчи паха удобрени

Çĕрулмине нематода чирĕ ернĕ. Унпа мĕнле кĕрешмелле, çĕрулми анине епле тасатмалла?

Валентина РОМАНОВА.

Куславкка районĕ.

Юлашки вăхăтра республикăра çĕрулмин нематода чирĕ вăйлă сарăлса пырать. Унăн сиенне, паллисене пĕлменни чире сарăлма май парать. Вăйлă сиенленнĕ ана çинче çĕрулми пулмасть, хуçи вара сăлтавне ăнкармасть те. Çанталăк, вăрлăх, тăпра япăххипе сăлтавлать пĕлмен çын улма тухăçĕ пĕчĕккине.

«Хăшпĕр йăлăхтармăш çумкурăка — йытпыршине, хурхуха, пиçене, шурута, чăрăш тăррине, хăлха çакки курăкне пахчара пĕтерме питĕ йывăр. Çулсеренех кĕрешетпĕр вĕсемпе, тымарĕпех тăпăлтаратпăр, анчах вĕсем кăшт вăхăт иртсен каллех пуçĕсене çĕклеççĕ, — çырать Федор Денисов хăйĕн çырăвĕнче. — Çакнашкал киревсĕрсене мĕнле хими препарачĕсем витереççĕ-ши?

Золотой ус ăçта ÿсет, унпа епле усă курмалла?

Калистрат ИВАНОВ.

Красноармейски районĕ.

Çут çанталăкра, ирĕкре, ылтăн хунав /Ректантера, Каллизия, Дальневосточный ус/ пирĕн çĕршывра Инçет хĕвелтухăçĕнче, Кăнтăр енче тĕл пулать.

Ылтăн хунавăн 500 тĕсне па­лăртаççĕ ăсчахсем. Чи анлă сарăлни — традесканци. Ăна пирĕн тăрăхра тахçантанпах çитĕнтереççĕ. Традесканцие "пурнăç курăкĕ" тенине те илтнĕ.

Кĕл — паха удобрени, çакна чылайăшĕ пĕлет. Ялсенче ĕлĕкрех килĕрен колхоз валли кĕл пуçтарнине аслă çулсенчисем лайăх астăваççĕ-ха. Кĕлре кали, кальци, фосфор нумай. Тимĕр, магни, кÿкĕрт, цинк тата ытти тăпрашăн лайăх, ÿсен-тăраншăн кирлĕ микроэлемент пур. Кĕл йÿçек, йывăр тăпрана йĕркелеме пулăшать.

Халĕ ялсенче пурте тенĕ пекех газпа усă кураççĕ. Пÿртсенче кăмакасем те сахал. Газпа усă курма ансатрах, çăмăлрах-çке. Çавăнпа-ши халĕ йĕри-таврари çырма-çатрасенче ÿсекен йывăçсем хăрса ÿксен те вĕсене вутăлăх тасатакан сахалрах. Хăрăк турат çырма-вартах çĕрет...

Тырă пуссинче – хир карапĕсем

РЕСПУБЛИКА УЙ-ХИРĔНЧЕ /утă уйăхĕн 26-мĕшĕ тĕлне/

Укçапа кăна илĕртеймĕн

Уй куçлă…

Ятлă-сумлă, харсăр чунлă

Илле кунĕ

Йĕрке хуçаран пуçланать

Ăшă та типĕ çанталăк тăнипе кĕрхисем пиçсе çитрĕç. Утă уйăхĕн 25-мĕшĕ тĕлне 20 районта кĕрхи культурăсене вырма тытăннă. Çак тапхăрта 14,6 пин гектар çулнă, 14,3 пинĕшне вырса çапнă. Пÿлмене 40 пин тонна "сарă ылтăн" кĕнĕ. Гектарти вăтам тухăç — 28 центнер.