Чăваш Республикин «Халăха ĕçпе тивĕçтересси» патшалăх программин мероприятийĕсене 2016 çулта пурнăçламашкăн 392,8 миллион тенкĕ уйăрма палăртнă, çав шутран: федераци бюджетĕнчен — 216,2 миллион, республика хыснинчен — 176,6 миллион. Кăçалхи кăрлач-çу уйăхĕсенче 154,4 миллион тенкĕ тăкакланă ĕнтĕ /федераци бюджетĕнчен — 96,7 миллион, республика бюджетĕнчен — 57,7 миллион.
Шупашкар хула пуçлăхĕ Леонид Черкесов шкул ачисен Пĕтĕм Раççейри олимпиадин юлашки тапхăрĕн çĕнтерÿçисемпе тата призерĕсемпе тĕл пулнă. Калаçу, тĕпрен илсен, специальноç суйлассипе тата ĕçе вырнаçассипе çыхăннă ыйтусем тавра пынă.
— Республика пуласлăхĕ — сирĕн алăра, — палăртнă Леонид Черкесов. — Аслă пĕлÿ илме ытти хулари вĕренÿ заведенийĕсене суйласан та диплом илнĕ хыççăн Чăваш Ене таврăнасса шанатăп.
Çурхи ака-суха вĕçленнĕ май çĕр ĕçченĕсем Акатуя пуçтарăнаççĕ. Муркаш тăрăхĕнче пурăнакансем ăна Лантăш вăрманĕнчи аслă уçланкăра паллă турĕç. Уява мĕнле çитĕнÿсемпе кĕтсе илчĕç вĕсем? Уй-хир ĕçĕсемпе район администрацийĕн пуçлăхĕн заместителĕ - АПК аталанăвĕ, экономика тата муниципалитет харпăрлăх управленийĕн пуçлăхĕ Владислав Ананьев паллаштарать.
Шăрăх, типĕ кунсем тăнă май республикăри хуçалăхсем хĕрсех выльăх апачĕ хатĕрлеççĕ.
Ыран Чăваш Ен хăйĕн сумлă уявне - Республика кунне - чыслăн паллă тăвать. Тĕрĕсрех, уяв мероприятийĕсем темиçе кун маларах пуçланчĕç. Сăмахран, çĕртме уйăхĕн 21-мĕшĕнче П. Хусанкай ячĕллĕ культура керменĕнче «Пурнăç» мультимедиа куравĕ уçăлчĕ. Тăван çĕршывăн Аслă вăрçине халалланă выстăвкăра çынсем документлă кадрсемпе тата сăнÿкерчĕксемпе паллашрĕç.
Пысăк пĕлтерĕшлĕ мероприяти - Пĕтĕм Раççейри ял хуçалăх çыравĕ - кунран кун çывхарса килет. Утă уйăхĕн 1-мĕшĕнче Чăваш Енри çыравçăсем те ĕçе тытăнмалла. Республикăра яваплă тапхăра мĕнле хатĕрленнĕ? Çак кунсенче Чăвашстатра пресс-конференци иртрĕ. Ăна Чăвашстат ертÿçин заместителĕ Любовь ПЕТРОВА ертсе пычĕ.
Пĕтĕм Раççейри ял хуçалăх çыравĕ апат-çимĕç рынокне, вырăнти ресурспа тухăçлă усă курассине, хак, кредит политикине тытса пырассине лайăхлатма пулăшĕ.
Ешĕл те парка шăтса тухнă севок уйĕ куçа илĕртет. Йăрансене çумкурăкран тасатнăран хура çĕр çинчи симĕс сухан пушшех те илемлĕн курăнать. Унсăр пуçне Елчĕк районĕнчи Курнавăшра пурăнакан Альбинăпа Алексей Ефимовсем хими препарачĕпе сайра усă курма тăрăшаççĕ. "Пĕлтĕр кăна кăшт гербицид сапса пăхрăмăр.
Ĕнене машинăпа сăвакан операторсемпе выльăха искусствăллă майпа пĕтĕлентерекенсен конкурсĕ, кăçал Шупашкар районĕнчи "Атлашевский" хуçалăхра иртнĕскер, яланхиллех кăсăклăхпа палăрчĕ.
Юлия Еремкина 30 çул «Сăр ен» фольклор ушкăнне ертсе пырать. Хăйĕн ĕçне чунтан-вартан юратнăшăн, çитĕнÿсем тунăшăн ăна «ЧР культурăн тава тивĕçлĕ ĕçченĕ» ята парса чысланă.
«Кăмпа сутса вĕрентĕм»
Чăвашла верси
Русская версия
