Ĕçлев

Халăха ĕçпе тивĕçтерекен центрсен куçса çÿрекен офисĕсен ырă енĕсене республикăри район-хулара пурăнакансенчен нумайăшĕ туйрĕ ĕнтĕ: вĕсем пулăшнипе инçетри ялсенче тĕпленнисем ĕçлев тытăмĕн чылай пулăшăвне — рынокпа, çынсене вырăн тупса парассине йĕркеленипе, профориентаци мероприятийĕсене уйрăммăн тата ушкăнпа ирттернипе, ĕç шырама пулăшнипе, профессие вĕрентнипе, ĕçлев тата ĕç ыйтăвĕсемпе юридици консультацине тивĕçессипе çыхăннисене — илме пултараççĕ.

Çак эрнере Правительство çуртĕнче ЧР Министрсен Кабинечĕн Председателĕ Иван Моторин Ĕçлев тата социаллă хÿтлĕх министерствин коллегийĕн ларăвне ирттерчĕ. Унта ĕç тăвакан влаç, вырăнти хăй тытăмлăх органĕсен, министерствăна пăхăнакан ведомство ертÿçисем хутшăнчĕç. Кун йĕркине кĕртнĕ ыйтусене пăхса тухнă май сусăрсене ĕçпе тивĕçтересси, информаци çĕнĕ технологийĕсемпе анлăрах усă курма пуçласси тавра, сывлăха çирĕплет-мелли çуллахи кампанин малтанхи пĕтĕмлетĕвĕ, социаллă тÿлев çинчен калаçрĕç.

Чăваш Енре вăйпитти ÿсĕмри инвалидсенчен кашни иккĕмĕшне çитес виçĕ çулта ĕçпе тивĕçтерме палăртнă. 2017 çул вĕçленнĕ тĕле вĕсенчен кашни виççĕмĕшĕ вăй хума тытăнĕ.

1 Ноября, 2016 | Хыпар | Экономика | Ĕçлев

Кăçалхи кăрлач-авăн уйăхĕсенче Тăвай районĕнчи халăха ĕçпе тивĕçтерекен центра 40 çынна кăларса ярассине 7 организаци пĕлтернĕ. Сăлтавĕ — тытăма çĕнĕлле йĕркелени, продукци туса кăларассине чакарни, штат йышне оптимизацилени, филиалсене хупни тата ытти.

РФ Правительствин 2016 çулхи нарăс уйăхĕн 29-мĕшĕнчи 155-мĕш йышăнăвĕпе килĕшÿллĕн ЧР Ĕçлев тата социаллă хÿтлĕх министерстви Раççей Федерацийĕн 15 регионĕ шутĕнче Чăваш Республикин ĕç рынокĕнчи кăткăслăха 2016 çулта сирмелли хушма мерăсен программине чи малтан туса хатĕрленĕ.

Патшалăх пулăшăвĕн витĕмĕ

Программа мероприятийĕсене финансламашкăн 154,2 миллион тенкĕ /федераци бюджетĕнчен — 107,0 миллион е 69,4%, республика бюджетĕнчен — 47,2 миллион е 30,6%/ уйăрма палăртнă.

Pages

Subscribe to Ĕçлев