Archive - Çĕртме 2016 - Хыпар

Çак кунсенче Шупашкар çăмăл атлетикăн тĕп хули пулса тăчĕ. Ĕнер «Олимпийский» стадионта спорта юратакансем ахçантанпах кĕтнĕ çĕршыв чемпионачĕ старт илчĕ. Ку ăмăрту Чăваш Ен çĕрĕ çинче пиллĕкмĕш хут иртет.

Чи пĕлтерĕшли

Санкт-Петербургра иртнĕ Пĕтĕм тĕнчери ХХ экономика форумĕнче Чăваш Ен Пуçлăхĕ Михаил Игнатьев тата Киров облаçĕн кĕпĕрнаттăрĕ Никита Белых Чăваш Республикин Министрсен Кабинечĕпе Киров облаçĕн Правительстви суту-илÿпе экономика, ăслăлăхпа техника, социаллă пурнăçпа культура енĕпе килĕштерсе ĕçлесси çинчен

Иртнĕ вырсарникун, çĕртме уйăхĕн 19-мĕшĕнче, медицина ĕçченĕсем хăйсен професси уявне паллă турĕç. Чăваш Енре сывлăх сыхлавĕн тытăмĕнче хальхи вăхăтра 18 пин çын — тухтăрсем, фельдшерсем, медицина сестрисем... — ĕçлет. Вĕсемшĕн пуриншĕн те шурă халат — йăлана кĕнĕ тум. Çĕртме уйăхĕн 17-мĕшĕнче хăйсен уявне паллă тунă саманта Чăваш патшалăх оперăпа балет театрне вĕсем капăр кĕпесемпе, костюмсемпе пычĕç.

ЧР Правительство çуртĕнче тунтикунсерен йĕркелекен канашлура иртнĕ эрнере пулнă пысăк пĕлтерĕшлĕ мероприятисене пĕтĕмлетрĕç, çавăн пекех кăçалхи кăрлач-çу уйăхĕсенче республика бюджечĕ мĕнле пурнăçланнин тата промышленноç комплексĕн ĕçĕн кăтартăвĕсене тишкерчĕç.

Ача-пăча тухтăрĕн общество пурнăçĕнчи пĕлтерĕшĕ çав тери пысăк: вăл пулас ăрăва сывă та таса çитĕнтерессишĕн çине тăрать. Шăпах çакăн пек пулнă та ĕнтĕ пурнăç тĕллевĕ ăста та паллă хирургăн Станислав Николаевăн.

Ку эрнере Чăваш Ен хăйĕн чи сумлă уявне — Республика кунне — паллă тăвать. Кăçал вăл халăха мĕнпе тĕлĕнтерĕ, мĕнле çĕнĕлĕхсемпе савăнтарĕ? Уявăн тĕп мероприятийĕсем çинчен ЧР Культура министерствинче каласа кăтартрĕç.

Çын тата шăпа... Çак çыхăну тĕрлĕрен пулать: телейлĕ, йывăр... Пĕрисем ырлăхра ĕмĕрне ирттереççĕ. Теприсен кун-çулĕ тумхахлă, инкек-синкерлĕ. Апла пулин те пуçĕсене усмаççĕ çавăн йышшисем. Шăпа пÿрнĕ йывăрлăхсене çĕнтерсе пыракансен кăмăлĕ çирĕпленет, чун-хавалĕ вăйланать, ăс-хакăлĕ пуянланать.

Иван Николаевич Николаев 1946 çулхи авăн уйăхĕн 17-мĕшĕнче Çĕрпÿ районĕнчи Куснарпуç ялĕнче çуралса ÿснĕ. Полковник, профессор, çар ăслăлăхĕсен докторĕ, регионти «Тăван çĕршыв ывăлĕсем» офицерсен юлташлăхĕ» общество организацийĕн председателĕн заместителĕ.

— Сиплĕ çумăр самаях çурĕ — акнă çимĕçсене, курăксене ешерсе ÿсмелĕх чухах. Çавăн пек чухне чун хăпартланать вара, — хăйĕн ĕç стажне çураки, вырма шучĕпе виçме хăнăхнă Геннадий Романов уйсене пăхса çаврăннă май кăмăллă пулни çак сăмахсенченех сисĕнет.