Archive - Кăрлач 2016 - Хыпар

Пăс ингаляцийĕ - шăнса пăсăлнинчен, ÿслĕкрен, сунасран сипленмелли ансат та витĕмлĕ меслет. Пăспа тĕрĕс сывлани пырпа сăмсари шала кайнă чирсенчен те сывалма пулăшать.

Сиплевре эмел курăкĕсемпе тата эфир çăвĕсемпе анлă усă кураççĕ. Килти условисенче пăс ингаляторĕ вырăнне чейник аван. Унта курăк шĕвекĕ ямалла, пиçсе каясран сăмсине хытă хутран ăсталанă варинкке тăхăнтартмалла. Авалхи мел те япăх мар: пуç урлă алшăллипе витĕнсе кастрюльтен хăпаракан пăспа сывламалла. Процедурăна кунне 2 хут 15-20-шер минут ирттермелле.

Пĕлтерĕшлĕ

Кашни халăхăн ыттисенчен уйрăлса тăракан паха йăла-йĕрке пур. Кирек хăш çĕршывра та хĕрарăмсем çамрăклăхпа илеме упраса хăварма тăрăшаççĕ, çак тĕлĕшпе вĕсем хăйсем кăна пĕлекен меслетсемпе усă кураççĕ. Хăш-пĕр вăрттăнлăхпа паллаштарар-ха.

Китай

Китай рис плантацийĕсемпе палăрса тăрать. Кунта çак çимĕçпе таçта та усă кураççĕ. Тĕслĕхрен, китай хĕрарăмĕсем рис шывĕпе пите тасатаççĕ. Риса 20 минута шыва ярса лартаççĕ те сăрăхтараççĕ, унтан пусма татăкне çак шĕвекре йĕпетсе пит çине хураççĕ. 10 минутран илеççĕ. Процедурăна эрнере пĕрре тăваççĕ.

«Эсир халăхшăн ĕçлетĕр» ЧР Пуçлăхĕ М.Игнатьев журналистсене çапла хак пачĕ

Чăваш Ен: çĕршыв, тĕнче куçĕпе

Министр хушсан - пурнăçламаллах

Хăрушлăх пысăк - яваплăх çирĕп

Çÿлевĕç сăнÿкерĕнчĕ

Борис Чиндыков: «Хайлавсене суйланă чух чăннипех те ирĕклĕ пулнă»

Хăй тĕллĕн вĕренсех - хаçата

Хастарлăхĕпе асра юлнă

Пичет ĕçченcсен уявĕ

Чи вăрăм сериал

Массăллă информаци хатĕрĕсен, издательство, полиграфи ĕçченĕсем кăрлачăн 16-мĕшĕнче Чăваш патшалăх филармонийĕнче Раççей тата Чăваш пичечĕн кунĕсене уявларĕç.

- Çак кунсенче чăваш халăхĕн тĕп хаçачĕ «Хыпар» тухма пуçланăранпа 110 çул çитнине паллă тăватпăр, - терĕ ЧР информаци политикин тата массăллă коммуникацисен министрĕ Александр Иванов. - «Хыпар» чăваш журналистикине никĕсленĕ. «Хыпар» Издательство çурчĕ паян çăмăл мар тапхăра чăтса ирттерет. Апла пулин те медиахолдинг ертÿçисем çивĕч ыйтусене татса парса малалла ăнтăлассишĕн çине тăрса ĕçлеççĕ.

СЫВЛĂХ СЫХЛАВĔ, ÇĔНĔ ШКУЛСЕМ - ТĔП ЫЙТУ

Ку мероприятие ЧР Министрсен Кабинечĕн Председателĕн заместителĕ Алла Салаева, ЧР сывлăх сыхлавĕн тата вĕренÿ министрĕсем Алла Самойловăпа Владимир Иванов хутшăннă. Унта сывлăх сыхлавĕпе вĕрентĕвĕн çивĕч ыйтăвĕсене сÿтсе явнă.

Роспотребнадзор ертÿçи Анна Попова 2015 çулта РФ гражданĕсенчен 45 миллионне прививка тунине пĕлтернĕ. Унăн шухăшĕпе - усси курăмлă: иртнĕ çулталăк вĕçĕнче, 2016 çул пуçламăшĕнче чирлекен сахал пулнă. Анчах çакă лăпланмаллине пĕлтермест.

ЧР ял хуçалăх министрĕ Сергей Артамонов АПК предприятийĕсемпе, хресчен-фермер хуçалăхĕсемпе çывăхрах паллашас тĕллевпе нумаях пулмасть Шупашкар районĕнчи «Чурачикское» АУОра пулчĕ. Иртнĕ эрнекун Сĕнтĕрвăрри тăрăхне çитрĕ.

Шупашкарти Ленин районĕ пирки тĕп хулан тĕп районĕ теме юрать-тĕр: хула варри, кунта республикăн патшалăх влаçĕн органĕсен çурчĕсем вырнаçнă, предприятисем, кану вырăнĕсем йышлă. Çавна май криминалпа çыхăннă лару-тăру хăйнеевĕрлĕхĕ те пур. Çакă Следстви комитечĕн ЧР Следстви управленийĕн Шупашкарти Ленин районĕн следстви пайĕн ертÿçипе Александр ШАРИНПА калаçнă май та сисĕнчĕ.

Раççей Президенчĕ Владимир Путин Указĕпе килĕшÿллĕн çĕршывра 2016 çул - çутçанталăкăн уйрăмах сыхлакан лаптăкĕсен çулталăкĕ.

«Вăрман ачисем» /Дети леса/... Чăваш çыравçи, драматургĕ, ЧР Патшалăх премийĕн лауреачĕ Борис Чиндыков пухса хатĕрленĕ, 2016 çулта Чăваш кĕнеке издательствинче пичетленсе тухнă çĕнĕ кăларăм ячĕ çавăн пек.

"Чăваш коммуни” /"Хыпар"/ хаçатра ĕçленĕ, Тăван çĕршывăн Аслă вăрçине хутшăннă калем ăстисене, корреспондентсене асра тытса хатĕрленĕ стенда тишкерсе темиçе те пăхнă. Куçăм яланах хитре сăн-питлĕ, çутăрах сăнлă Георгий Костин çинче чарăнать.