Archive - Çу 2016 - Хыпар

Çу уйăхĕнче сирень чечекĕн илемĕпе, унăн шăршипе чун каниччен киленетпĕр. Çав вăхăтрах сирень — алă айĕнчи сиплевçĕ те. Халăх медицининче ăна хушса хатĕрленĕ препаратсемпе шыçнинне, температурăна чакарма, шăк хăвалама усă кураççĕ. Чечекĕ кăна мар, çулçи те усăллă.

Радикулит чухне. Сиренĕн пăтă пуличчен вĕтетнĕ 2 апат кашăкĕ чĕрĕ çулçипе чечекне çур литр шурă эрехе ямалла. 3 сехет лартмалла. Настойкăпа ыратакан çурăма çĕрлене хирĕç сăтăрмалла. Курс — сывлăх лайăхланиччен.

Авал пыл курăкне /медуница лекарственная/ ӳпке чирĕсенчен витĕмлĕ сипленĕшĕн пысăка хурса хакланă. Унăн çулçипе курăкне пухаççĕ.

Çак курăкран хатĕрленĕ препаратсемпе сывлав çулĕсен кирек мĕнле инфекцийĕ чухне манкана çемçетсе кăларма усă кураççĕ. Вăл юн кайнине чарнипе те, шăк хăмпин, вар-хырăм çулĕсен, пӳре чирĕсенчен сипленме пулăшнипе те палăрса тăрать. Çамрăк çулçисене салата, яшкана хушаççĕ. Ку организма витаминсемпе пуянлатать.

Шăк хăмпи, пӳре шыçсан

Ача çуратма ĕмĕтленекен хĕрарăмсен рациона çакăнта илсе кăтартнă элементсемпе пуян çимĕçсем ытларах кĕртмелле. Ку ача юлас шанчăка темиçе хут ÿстерет тесе çирĕплетеççĕ.

Марганец. Вăл япаласен ылмашăнăвне лайăхлатать, çăмарталăх клеткине йĕркеллĕ аталанма витĕм кÿрет, арçынсенне ар вăрлăхĕн куçаслăхне ÿстерет. Марганецăн тĕп çăлкуçĕсем — мăйăр /миндаль, арахис, аçтăрхан мăйăрĕ/, урпа, хуратул, иçĕм, куккурус, хăмăр рис, креветка, миди. Çак элемент вĕлтрен çулçинче нумай, çавăнпа пулас ашшĕ-амăшне çуркунне çамрăк вĕлтрен яшки ытларах çиме сĕнеççĕ.

Пепке йĕрет пулсан ăна мĕн те пулин канăçсăрлантарать. Ачана хăвăртрах лăплантарма йĕнин сăлтавне палăртмалла. Педиатрсем çапла ăнлантараççĕ.

Сăлтавĕ тĕрлĕрен:

Çу уйăхĕнче çут çанталăк куç умĕнчех улшăнса çĕнелет, йывăç-курăк чечеке ларать. Çак уйăхра Хĕвел Вăкăр паллинче тăрать, çыншăн унăн энергийĕ çурт-йĕр лартма е пурлăх туянма лайăх витĕм кÿрет. Çапах хăвăр пурнăçа хăтлăх кĕртнипе пĕрлех кану, романтика пирки те ан манăр.

Уйăх пуçламăшĕ Уйăхăн юлашки чĕрĕкне лекет. Пухăннă энерги саппасĕ чаксах каять, çавăнпа çынсем, уйрăмах ватăраххисем, кирек мĕнле кăмăллах мар пулăма та стресс пек йышăнма пултараççĕ. Лăплантаракан курăксен шĕвекне ĕçме, çу уйăхĕн 6-7-мĕшĕсенче çирĕп диетăна пăхăнма сĕнеççĕ.

Тĕрĕ-çĕвĕ кăмăла уçать

Йывăçсене шурататпăр

Сиенлĕ кăпшанкăсене пĕлмеллех

Çĕрулми икерчи

ХХ ĕмĕрте ал ĕçне пĕлмен çын сайра пулнă. Ялсенче хĕрачасем мĕн пĕчĕкрен çыхма, тĕрлеме, çĕлеме вĕреннĕ, арçын ачасем пуртă-пăчкă тыткалама, вĕрен-пăяв явма хăнăхнă. Халĕ, шел те, ал ĕçне вĕренме тăрăшакан çамрăксем сахалрах. Çакă хулара çеç мар, ялта та палăрать.

Халĕ лавккаран йывăç вуллине шуратмалли тĕрлĕрен хутăш туянма пулать. Акрил сăрă /акриловая краска/ чи анлă сарăлни темелле. Пахчара усă курма хатĕр водоэмульсионкăна е водно-дисперсионнăй сăрăсене «улма-çырла йывăççисем валли» е «сад-пахча сăрри» тесе палăртаççĕ. Вĕсем йывăç вулли çинче лайăх тăраççĕ, çумăр çунипе юхса анмаççĕ. Çак хутăшсенче антисептик пур, çавăнпа унта урăх ядохимикат хушма юрамасть.

Енчен те хатĕр хутăш шĕвĕрех пулсан ПВА çилĕм хушма юрать, хутăш çăра пулсан çилĕм хушма кирлĕ мар.

Ӳсен-тăрана сиенлекен кăпшанкăсене икĕ пая пайлама пулать: 1 — ĕмекеннисем, 2 — кăшлаканнисем.

Çĕрулмирен çĕр-çĕр тĕрлĕ апат хатĕрлеме пулать. Тÿнĕ çĕрулмирен вĕтĕ икерчĕ /оладьи/ пĕçерсе пăхар-ха.

Кирлĕ пулать: 2,5-3 стакан вĕтетнĕ ыхра хушса тÿнĕ çĕрулми, чĕрĕк стакан теркăланă сыр, 2 çăмарта шурри, çур стаканран сахалрах сухари тĕпренчĕкĕ.

Духовкăна 200 градуса çити хĕртетпĕр. Сухари тĕпренчĕкĕпе сыра хутăштаратпăр. Çĕрулми нимĕрĕнчен 10-12 икерчĕ тăватпăр.