Сăлтавĕ пур

Кофĕсĕр ниепле те. Ирсерен пĕр чашăк кофе ĕçни япăх теместпĕр-ха. Анчах кофеин чăн-чăн энергипе тивĕçтерейменнине шута илмелле. Ăна ĕçнĕ хыççăнах вăй кĕнине, кăмăл лайăхланнине туятăр пулсан кăштах вăхăт иртсен çак хавхалану хăвăрт чакма пуçлать. Кофĕсĕр пурăнаймастăр пулсан ирхине ăна пĕр сăтăрккăпа пĕр чашăкран ытла мар тата сĕт хушса ĕçсен лайăхрах.

Питĕ пĕчĕк тесе ÿт-пÿ температури 35,5 градуспа танлашсан е 35,5 градусран та пĕчĕкрех пулсан калаççĕ. Сăлтавĕ вара сахал мар.

1. Çыннăн вăрах чир пулсан пĕчĕк температура вăл вĕрĕлнине асăрхаттарать. Тăхтаса тăмалла мар — медицина пулăшăвĕ кирлĕ.

2. Щит евĕрлĕ пар ĕçĕ вăйсăрлансан /гипотиреоз/ та температура чакать.

Хăш чухне ачасем кăкăрта ыратни пирки калаççĕ. Чи малтанах амăшĕ чĕре аптратать пулĕ тесе шухăшлама пуçлать. Анчах ку ачасен сайра тĕл пулать. Çапах кăкăрта ыратнипе тимсĕр пулма юрамасть. Сăлтавне шырамалла.

Subscribe to Сăлтавĕ пур